要出發去旅行,都不會在乎時間同金錢,但當聽到朋友話因為冇錢唔想窮遊,其實都有少少灰……

記得之前約朋友一齊去旅行,真係好難成行……或者自從大家踏入社會做嘢,時間相對變少。當約食飯都變得困難嘅時候,都唔好再講旅行……(雖然咁講,但點都要約下嘅。)

對打工仔生活生厭 離開成為窮遊的理由

講到窮遊,有啲朋友甚至覺得如果去旅行都要「就住就住」,不如唔好去仲好……當然我都明白想瘋狂買嘢冇得買、想食大餐冇得食嗰種無奈,但係平時日日返工放工嘅生活真係十級枯燥同苦悶,呢刻去旅行嘅目的,似乎係純粹想離開這個地方放鬆一下(至少我真係咁諗)。

窮遊沒想像中差 快樂不一定要花大錢

在我看來,其實窮遊真係冇乜所謂。

下午冇嘢做,就同朋友仔去小店café坐下,食個悠閒下午茶,扮下偽文青咁;或者唔需要餐餐大魚大肉,夜晚只係一齊行夜市、掃下小食,都已經夠晒開心快活。

至於你話係咪真係要shopping 買好多手信先叫去咗旅行呢?對我來講,有得出走放鬆下,去海邊散步、影相都已經好足夠。

其實旅行最重要就係開心,至於窮遊可唔可以滿足到你,真係個個人都有唔同答案。有啲就算使得多錢,但原來最後成個trip都未必開心。(當然仲有好多其他因素,例如遇到黐L線嘅旅伴……)

但計我話無論點都好,最緊要就係搵到1件事可以令自己開心、放鬆,有人可能放假去行下山、出下街就已經足夠,所以「窮遊是否快樂」呢個話題,每個人自然心中有答案,無分對錯。

PS:旅行的意義每個人都唔同,但可以遇到同聲同氣嘅旅伴就真係perfect池 !
#即刻成個旅行昇華。

個人動態:) Ig: hottofuzai

更多文章fb: 熱豆腐仔

歡迎加個人a/c:) Ho ToFu

延伸閱讀:去旅行最開心,就係可以同好朋友傾通宵吹水

Tags :