最近天氣開始又熱又濕,聰明嘅各位,梗係估到夏天又到啦!講到夏天,唔少得陽光與海灘仲有短褲背心,不過一着上身,先發現呢度有粒粒、嗰度唔夠白,到時着短褲背心比堅尼就尷尬死!好彩日本總係咁貼心,推出咗一系列 漂膚、護理 日本妝物 ,令你喺咩時候咩日子咩地方都可以保持完美!

圖片來源:GOtrip編輯部

1) 除鞋都唔怕,異味clear spray

夏天易流汗,但又唔一定下下都可以着涼鞋,對腳焗咗1日最驚就係有味!有見及此,日本就有藥妝公司推出去除異味嘅鞋用 spray ,只要喺鞋度噴一噴,就可以保持全日都冇異味,配合有綠茶精華,咁就唔怕對鞋發出異味啦!

價錢:480 円(未連稅)

2) 止腳汗好幫手

頭先介紹咗去鞋異味嘅噴霧,不過呢個都係解燃眉之急,最好當然都係從對腳入手。有異味其中1個原因係腳汗多,焗住焗住唔臭就假啦!所以最好都係止一止對腳啲汗。同樣都係噴霧,只要噴喺啲易出汗嘅位置,例如腳趾之間、腳板底等,可以保持全日乾爽,咁就唔怕會引起異味啦!

價錢:728円(未連稅)

3)舉手都唔怕,1支趕走腋下黑色素

夏天着小背心最驚一舉手就見到腋下一笪笪黑色,到時真係咩仙氣都冇晒!喺夏天正式嚟到之前,當然要做好準備搵番白雪雪嘅腋下啦!呢個時候,呢支專門針對腋下黑色素嘅 cream 就啱晒你!佢可以幫你去除腋下僵硬角質,令毛孔收細,加入埋美白功效,1支就可以令你腋下變得白雪雪啦!

價錢:980 円(未連稅)

搽上手/身嘅嘢最忌黐立立,好彩呢隻cream 都幾清爽,而且都吸收得幾快,可以一試。

4)粒粒再見,還你白滑皮膚

有冇發現有時塊面、頸又或者前胸會無啦啦出現一啲粒粒?呢啲可能係硬化咗嘅角質,因為時間長,所以要除去唔容易。呢支精華液就可以幫你軟化千年角質,令你嘅皮膚回復光滑,咁就着咩衫都唔怕啦!

價錢:1,900 円(未連稅)

5) 擁有完美pat pat着比堅尼都唔怕

夏天當然要去沙灘同陽光玩遊戲啦!但一着比堅尼,弊!Pat pat 點解生晒粒粒嘅?唔使驚,呢支藥膏針對 pat pat 暗瘡同粒粒,可以抑制 pat pat 嘅油脂分泌,藥用成分可以減少粒粒嘅生長,去沙灘就點玩都唔怕啦!

價錢:2,839 円(未連稅)

6) 粉紅色 lin 頭,可遇又可求?

係有啲尷尬,但有邊位女士唔想有啊?呢支 cream 就幫到你啦。只要敷喺乳暈,等佢乾咗搣走就得,連日本網民都話有用,只要堅持用 2 個星期左右就會見效,佢仲特別加入玫瑰香味同 9 種美肌元素,粉嫩嘅乳暈你都可以擁有!

價錢:2,839 円(未連稅)

7) 牙齒白雪雪,笑容都 charm 啲

香港女仔咁鍾意影相,一棚白雪雪嘅牙齒當然唔少得!日本人氣護膚品牌撫子推出潔白牙膏,加入蘇打粉,針對泛黃牙齒,令牙齒上嘅茶跡、咖啡跡浮起,再帶走,咁就自然會擁有一口健康又白淨嘅牙齒啦!

價錢:1,200 円(未連稅)

8) 紮辮唔怕 baby hair 亂飛

馬尾係其中1個最吸引男性嘅髮型,不過,如果你頭髮唔係太長,就好易有 baby hair 飛出嚟,咁樣個造型就變得唔夠清爽!呢盒綠色嘅髮膠連空姐都用,簡單一抹就可以將啲 baby hair 變得貼貼服服,細細盒帶出街都好方便!

價錢:468 円(未連稅)

*以上價格只供參考

除咗 日本妝物 ,想知多啲日本 shopping 優惠資訊?睇埋以下網站先。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡