近年工廈推出越來越多消遣活動,有Party Room、賽車、VR遊戲等等,大家不愁周末沒有地方去!如果你嫌冇新意的話,現在連 室內釣蝦場 都有,釣完更可以即釣即燒,享用新鮮大頭蝦,記者Sam拍胃立即去睇場!

撰文:Sam | 攝影:Tony (原文刊於《新假期周刊》)

觀塘室內釣蝦場!全場3,000呎

香港多年前曾有幾個室內釣蝦場,但其後陸續結業,想不到有人將它「重生」!這間位於觀塘工廈名為Ha Cube的室內釣蝦場,開業約2個月。老闆Louis本身熱愛釣魚、養魚和海洋生物,發現釣魚、釣蝦這些活動「最忌打風落雨」,加上香港地方局限,地舖較難生存,所以選址於工廈開設 室內釣蝦場 。

場內是按時收費,最低消費1小時$120,釣具蝦餌免費供應,釣完後更可即燒即食。Louis指,一般新手於1小時可釣到3、4隻蝦,高手的話可釣到16、17隻,試過最厲害的可以於3小時釣到30至40隻!

全場3,000呎,最多可以容納30人一齊釣。

每位入場者會有1支蝦竿、蝦餌、鉗和濕紙巾,記者要開始了!

釣蝦有技巧!首先從蝦餌入手

不過Louis指,新手大都不懂如何釣蝦,很多時候都空手而回。其實只要學會2個方法,便可以輕易令蝦上釣!

Tip 1:首先,蝦餌切忌大粒,反而要越細越好,要將蝦毛的頭除去,因為蝦頭很容易散,然後將蝦身鈎上鈎,遮蓋鈎尖便可。

將蝦毛鈎上的時候,要小心被鈎鈎到。

Tip 2:其次,每支蝦竿都設有浮標,讓釣蝦者可知道蝦何時會上釣。當見到浮標上下輕微郁動或向某方面移動時,千萬不要抽竿,因為此時蝦仔正在用鉗去接觸蝦餌,並嘗試將蝦餌帶到某處,然後才進食。

當浮標完全下沉,便是蝦用餐之時,不過切忌即時抽竿,需要耐心等候一會兒才抽竿,才令蝦更易上釣,所以耐性是非常重要!

釣蝦者要根據浮標去判斷何時抽竿。

即釣即燒大頭蝦 肉質結實鮮甜

釣完蝦後,可以在場內免費即燒即食,或自己帶走。不過場內只得2個焗爐,沒有其他煮食工具,若想試煎或炒蝦的話,便要將牠們帶回家慢慢煮了。

堂食位置並沒有計時,大家可以慢慢歎自己釣到的蝦。

大家留意,場內只提供粗鹽,老闆歡迎大家自備配料,煮出不同口味的鮮蝦。場內有教學教大家如何處理和焗蝦,每邊焗7分鐘便有得食!

這是來自泰國的大頭蝦,由於即釣即焗,肉質鮮甜結實,不過記者落鹽太重手,外層有點過鹹。

除了釣蝦池,另外會有約1,000呎的房間,內有飛鏢、麻將及board game,可以和朋友釣完蝦後,在這裏慢慢繼續玩。

記者試玩!新手都釣到3隻蝦

記者Sam第1次釣蝦,於1小時內釣到3隻。一開始覺得釣蝦好悶,但成功釣到1次後,便會很有滿足感,開始慢慢享受箇中樂趣,都幾好玩。

同樣是新手的記者Mandy:「對初學者來說,純粹靠運氣,第1次釣到3隻,成績算唔錯,不過$120釣3隻有啲貴,希望下次可以釣到多啲啦。」

直擊在場玩家:新手釣蝦較困難

Ida(左)和Wing(右)亦是第1次來觀塘釣蝦,她們於1小時釣到7隻蝦,Ida有釣開魚,所以認為釣蝦難度不算高。她們曾於台灣釣過蝦,認為這裏與台灣的格局差不多,Wing表示室內好過室外釣蝦場。「天水圍釣蝦場有蚊㗎,呢度室內就冇。」

Wing(右)指自己鍾意釣蝦活動。「因為釣上嚟嘅嗰刻好有成功感。」

Alex(右)和Tommy(左)首次到訪,釣了半個鐘但仍未有收穫,覺得釣蝦好困難。

Alex因5、6年前曾在旺角室內釣蝦場釣蝦,得悉現時有新開室內釣蝦場,便約朋友Tommy來一齊玩。

已到訪3次的Summer(右),每次都與丈夫King(左)來釣蝦,2人於1小時約釣到11隻蝦,收穫不錯。2人不時會去魚排、淡水場釣魚,King指:「釣蝦易過釣魚。」認為這裏位置方便,而且按時收費,價錢合理,接受到,因此會再光顧。

Summer(右)指:「平日較易釣到蝦,因為星期六、日人太多,啲蝦飽晒,就難釣啲,收穫較少。」

Ha Cube 蝦立方休閒娛樂俱樂部

地址:觀塘駿業街60號駿運工業大廈3樓C室(顯示地圖
營業時間:星期一至日 2:00pm-2:00am (最後入 場時間11:00pm);逢星期二休息
電話:6961 6861
收費:1小時$120/2小時$220/3小時$300(超過10分鐘以1小時計算)

下一頁:大胃王出動|6 大自助 Semi-brunch Buffet