(Presented by 玄鮨)

photo:Him

去日本旅行,當然唔會錯過食 Omakase 。雖然日圓仲未過7算,但都唔係話飛就飛到。中環一間隱世 Omakase 秘店,就可以食到由師傅嚴選嘅時令海產同食材,同埋由佢發辦嘅精緻料理藝術。呢間店已經連續4年攞到 米芝蓮 推介壽司店,水準有星級保證,隨時想食 Omakase 最鮮味嘅心思料理唔使飛日本喇!

每日空運直送日本靚食材

位處中環雲咸街樓上店嘅玄鮨,由曾於著名壽司店任職大廚嘅總廚鄭師傅坐鎮,食店以供應刺身、壽司為主。玄鮨每日都有新鮮魚類、海產等食材,由北海道、九州、東京等地直送,每件刺身、壽司都好新鮮,一放入口食到嘅係鮮甜嘅肉質同油脂,完全呃不到人。

海鰻魚苗(前)、鱈魚白子(後) 海鰻魚苗淡味爽滑,質感有啲似河粉,配薑蓉、蔥花食係簡單嘅絕配。鱈魚白子配Ponzu Sauce食,酸酸地可以引出食材嘅甘鮮味道。
海鰻魚苗(前)、鱈魚白子(後)
海鰻魚苗淡味爽滑,質感有啲似河粉,配薑蓉、蔥花食係簡單嘅絕配。鱈魚白子配Ponzu sauce食,酸酸哋可以引出食材嘅甘鮮味道。

配搭罕有食材

玄鮨除咗會供應香港人最鍾意嘅魚類刺身同貝殼類之外,亦會提供特別嘅食材,例如海鰻魚苗、鱈魚白子。海鰻魚苗味道較淡,質感爽滑,簡單配薑蓉、蔥花,就食到佢嘅鮮味。而鱈魚白子,即係鱈魚嘅精巢,好補身㗎,日本人都幾鍾意食,香港嘅日本料理店就比較少見,白子質感柔滑肥美,配Ponzu sauce日本酸汁最夾,既可去腥又能帶出甘鮮味道。製作壽司,好多師傅都用常見嘅左口魚,但玄鮨又會揀鰈魚嚟用,貪佢質感較煙韌彈牙,令客人食落有唔同嘅感覺。

熒光魷魚(前)、鮟鱇魚肝(後) 熒光魷魚用醬油、麵豉醬同芥末煮熟,加點醋,酸酸地好清新。鮟鱇魚肝用海鹽醃製後,用清酒浸完再蒸,質感有點似鵝肝。
熒光魷魚(前)、鮟鱇魚肝(後)
熒光魷魚用醬油、麵豉醬同芥末煮熟,加點醋,酸酸哋好清新。鮟鱇魚肝用海鹽醃製後,用清酒浸完再蒸,質感有點似鵝肝。

風呂吹大根 初春適宜食煮物,用麵豉醬煮蘿蔔,灑上柚子皮,甘香鮮甜。
風呂吹大根
初春適宜食煮物,用麵豉醬煮蘿蔔,灑上柚子皮,甘香鮮甜。

冬筍海帶煮物 冬筍係冬季嘅時令食材,用新鮮筍慢煮4、5個鐘,清甜入味。
冬筍海帶煮物
冬筍係冬季嘅時令食材,用新鮮筍慢煮4、5個鐘,清甜入味。

不時不食 抓住冬日尾巴

不時不食、品嘗最鮮,絕對係 Omakase 嘅大原則。依家呢個季節,正值冬天同春天交界,趁日本仲係凍凍哋,鍾意食肥美嘅魚生、貝殼類(蠔、帆立貝)嘅香港人,就要捉住冬天嘅尾巴喇。鄭師傅教路,秋冬至春天(11月至2月)好多魚類都新鮮肥美,因為天氣冷,所以油脂較豐厚,例如大拖羅、大油甘魚、赤目魚等等,油分豐腴甘香,入口即溶,所以呢啲食材喺今期嘅 Omakase 都會常用,秋冬季嘅魚類、海產選擇可以有40至50款咁多!

另外,每年2至3月就以帶子、象拔蚌、北寄貝、海鰻魚苗、熒光魷魚等等,最時令當造,識揀嘅 Omakase 師傅梗係用佢哋入饌。

刺身—左起:帶子、金目鯛魚配烏魚子、大拖羅、大油甘魚、北寄貝 大部分都係冬日最當造肥美嘅刺身,油香滿溢,入口即溶。
刺身—左起:帶子、金目鯛魚配烏魚子、大拖羅、大油甘魚、北寄貝
大部分都係冬日最當造肥美嘅刺身,油香滿溢,入口即溶。

壽司—上起:大油甘魚腩、北海道馬糞海膽、鰈魚邊 油甘魚腩油花豐富;海膽全無腥味,非常甘香;鰈魚邊爽口彈牙,上面放竹碳鹽提鮮,加添味道層次。
壽司—上起:大油甘魚腩、北海道馬糞海膽、鰈魚邊
油甘魚腩油花豐富;海膽全無腥味,非常甘香;鰈魚邊爽口彈牙,上面放竹碳鹽提鮮,加添味道層次。

4屆米芝蓮隱世 Omakase

玄鮨已經連續4年(2014-2017年)入選為「 米芝蓮 指南香港澳門」嘅推介壽司店。而且佢哋採取自由度高嘅 Omakase ,坊間一般會有固定嘅廚師發辦餐牌,但玄鮨就會經常轉款,食客預早訂的話,更可以因應個人喜好而為餐單作微調,甚至要求餐牌冇嘅食材,客人可以食到自己最想食嘅菜式,彈性大。玄鮨剛好坐落喧鬧嘅蘇豪同蘭桂坊之間,環境寧靜雅致,喺呢度歎 Omakase 好舒服。

總廚鄭師傅擁有20多年日廚同壽司創作經驗,對每季當造嘅魚類、海產相當熟識。
總廚鄭師傅擁有20多年日廚同壽司創作經驗,對每季當造嘅魚類、海產相當熟悉。

食 Omakase 配清酒或者威士忌最perfect,玄鮨都有唔少選擇。
食 Omakase 配清酒或者威士忌最perfect,玄鮨都有唔少選擇。

 

玄鮨

地址:中環雲咸街63號巴力大廈3樓(港鐵中環站D2出口)(顯示地圖

電話:2537 5555

備註:設加一,收現金及信用卡。

facebook:玄鮨 Xuan Sushi

相關文章