又到櫻花嘅季節!各大熱門地諸如日本、韓國以及台灣都已經出咗櫻花攻略,大家係咪都已經預備好賞櫻去?不過,其實除咗上述幾個熱門亞洲地,原來遠在歐洲德國,好多地區都會有櫻花,最出名嘅當然係波恩嘅櫻花巷(Cherry Blossom Avenue),趁住近期歐元仲低水,去歐遊之餘仲可以賞櫻,一舉兩得!依家即刻同大家捕捉德國5大賞櫻熱點!

初初喺歐洲旅居之時,都冇諗過原來歐洲可以賞櫻,佢哋稱櫻花為Cherry Blossom,品種大致分為兩大種:一是日本山櫻,一是在德國常見的深粉紅包形櫻花。德國櫻花期普遍喺3月之時,而且它們經常不經意咁出現於每一個角落:馬路旁邊、小公園,大家如果有留意的話,其實處處都有驚喜。

旅居一年德國,依家整理咗德國5大賞櫻秘點,除咗係人都知嘅波恩 櫻花 巷,其實仲有呢幾個……

  1. 波恩(Bonn)櫻花巷(Cherry Blossom Avenue

  1. 漢堡(Hamburg)櫻花 祭(Kirschblütenfest

唔講唔知,原來德國漢堡每年都有 櫻花 節!由1968年開始,當地日本人團體向漢堡政府送贈5,000多棵 櫻花 樹。

喺5月嘅時候,佢哋會有唔同活動去慶祝 櫻花 節!其中最大盛事,就梗係會每兩年選出漢堡 櫻花 小姐,不過感覺硬係覺得格格不入……

櫻花 樹就種喺阿爾斯特湖沿線地區,大家都會扮日本妹去賞 櫻花 呀!

  1. 南德Schloss Schwetzingen 櫻花 公園(Cherry Tree Garten

Schwetzingen皇宮,又被稱之為「小凡爾賽宮」。佢位於曼海姆(Mannheim)與海德堡(Heidelberg)之間。3月之時,兩邊 櫻花 都開晒,成個感覺好靚。

大家睇完呢座入選UNESO候選名單嘅皇宮之後,重點就嚟喇,大家一定要去埋法式花園,入面就有一個好大嘅 櫻花 公園,仲有一排好靚嘅 櫻花 大道,係大家必影位!

  1. 柏林 櫻花 企劃(The Sakura Campaign

德國喺1990年完成統一之時,吸引咗當時日本一家電視台TV Asahi嚟採訪。當採訪完成之後,佢哋就被德國人嘅民族性深深感動,並且好想同佢哋建立友誼。於是,佢哋就提議喺柏林種植櫻花樹。呢個計劃動用咗100萬歐元,喺柏林種植咗近9,000棵櫻花樹。而呢個計劃,就名為:The Sakura Campaign。依家喺柏林7大地方,都可以見到佢哋嘅蹤影呀!

當中最出名就係呢條:TV Asahi Kirschblütenallee(櫻花路)。

德國人一向鍾意散步,而呢度就變咗老中青三代假日休閒嘅好地方。

除咗 櫻花 路,另外地方諸如Lichtenberg, Pankow等地都有,大家有興趣想知詳情,可以接以下連結睇更多。

 

  1. 德國馬堡 櫻花 大道Stresemannstraße, Marburg

馬堡喺德國黑森州中部,呢度係童話大道嘅起點,亦都係格林大師出生成長嘅地方。當地嘅馬堡大學,同海德堡( Heidebeg )、哥廷根( Götingen )與杜賓根( Tübingen )是為德國最古舊四大名校。

除咗以上嘅出名景點,原來喺馬堡街頭,竟然有條 櫻花 大道!老實講,佢其實唔比波恩嘅遜色。

這是北威Essen某條小街上的小驚喜,如果大家想睇更多,不妨去我個page開心share番畀我知~

喺德國除咗城市公園,好多個區域,例如一個大家唔會為意嘅小公園、一條小街、住宅區內,櫻花 總係會不經意咁出現喺大家眼前。因為實在太多,依家姑且分享一下我一年間喺野生捕獲嘅 櫻花 。所以,大家只要喺3月左右期間到訪德國,你都有與 櫻花 偶遇之驚喜!


想睇更多文章? like my Fb page! >>>>https://www.facebook.com/tellmeyourtravelstories/