人大咗就會發現，想去玩想去旅行，最大嘅問題已經唔再係錢，而係要夾齊一班人一齊去先係最難！
莫講話出國旅行，有時真係連約四、五個人去食餐飯，或者入長洲行番轉都唔係咁易。
而小編作為一個資深聚會嘅搞手，當然會明白箇中嘅辛酸啦。所以，今次小編決定總合一堆必去必玩嘅二人成行攻略！
美食＋住宿篇
有時喺facebook、Ig見到好多foodies推介美食，又雞煲又放題又燒肉，都咪話唔吸引。但係最難搞係又要約番最少四、五個人先食得過癮。
不過今次推介嘅長洲雙人住宿連雙人早晚餐就方便得多啦！兩個人都有美食等住你哋呀！
位於長洲呢間充滿歐陸風情嘅住宿，佢哋嘅餐廳亦都好值得一試！一個價錢包咗一個田園早餐、歐陸式晚餐同埋一晚住宿。
而且晚餐嘅選擇都好多，總有一樣啱你心水。
搵個friend星期六一齊入長洲玩番二日一夜，比起約一大棚人易好多！而且包咁多嘢兩個人加埋都係$700起咋！
美食住宿傳送門
二人成行露營體驗
近年興露營行山，小編成日都見到身邊朋友去露營行山影下相呃下like，未試過呢項活動嘅你有冇心思思好想試下？
但係唔通未試過camping就一次過買晒所有gear？而且又要約番咁上下人先可以去喎，咪又係辛苦搞手！
所以，我哋今次就為你推薦長沙嘅露營車！！！又係二人成行！
只需要搵一位朋友，就可以兩手揈揈咁去體驗下啦！任何gear都唔使準備，絕對適合各位初心者。