最近網上流傳一短片,片內小朋友在 澳門巴黎人 酒店的兒童遊樂設施瀡滑梯時,於彎位拋出滑梯外,高聲尖叫同時飛跌在地上,令不少家長們都高呼怕怕,更表明使用遊玩設施時,一定要睇實小朋友。為跟進事件,GOtrip 編輯特地訪問了事發小朋友的家長 Alvin 講述事件。

飛出滑梯跌倒地上 幸無大礙

據 Alvin 描述,他們一家於聖誕節當晚入住澳門巴黎人酒店,並在 12 月 26 日退房後前往位於巴黎人 6 樓的兒童遊樂場。Alvin 兒子在同一滑梯玩了 5-6 次,頭幾次一切正常,最後則出現片段中慘況。幸好室內兒童遊樂場鋪有軟墊,Alvin兒子只係「擦紅少少」,但都唔敢再玩同一位置嘅設施。

sir
片段所見,Alvin兒子初時滑下速度不算高速,直至經過滑梯彎位,小朋友就從滑梯上被拋飛至畫面之外。

工作人員反應不大 家長終去信提建議

Alvin 事後將影片放上個人 facebook 分享,最初他於留言提到不打算投訴,因為事發當時現場的工作人員在看到小朋友無大礙後,就未有再理會,但最終仍於 12 月 29 日發電郵建議酒店跟進兒童遊樂設施的安全問題,而酒店方面亦指於互聯網上觀看到影片,會派相關同事跟進。

MACAU1

影片掀起熱烈討論 更多「中招」家長發聲

小朋友雖無大礙,但片段被轉載至facebook群「澳門高登起底組」後,引來大批家長留言抱不平。

螢幕快照 2016-12-30 下午06.09.47

螢幕快照 2016-12-30 下午06.10.06

留言中仲發現原來同類事件已經唔係首次發生,好多家長都表示心痛!

螢幕快照 2016-12-30 下午06.09.58

有家長更早在9月試玩日時遇上類似情況,當時更發信投訴。今次意外可見,事隔三個月,情況仍然未見改善。

其實喺9月3日試玩日,我個女差少少拋出滑梯後,已經寫信給公司反映此問題,估唔到而家都未有人跟進。

螢幕快照 2016-12-30 下午04.59.26

不過 Alvin 強調,將片段放上 facebook 並唔係針對巴黎人,只想提醒各位家長帶小朋友去室內或室外遊樂場玩嘅時候,千祈不要大安旨意。睇實小朋友,安全至上,避免類似意外發生!

相關文章