去日本要爭取時間去玩,一落機就想去shopping,攞住個喼係個負累,有時想搵個儲物櫃放低件行李都唔係咁容易,如果再加上要攞住嗰堆重到爆嘅滑雪褸/雪 靴,要穿州過省喺雪地上出盡力拖喼的狼狽慘況就想喊。話你知,學日本人咁用 行李宅配 寄去酒店,千零二千円,唔使攞行李,兩手揈揈輕鬆晒!

圖片來源:vivit_funabashi、GOtrip及《新假期》資料庫

#1. 宅急便,最快即日送到

「空手觀光服務」可以為遊客寄存行李或將 行李宅配 送到酒店及機場,212個服務點遍布日本各主要機場、鐵路站、酒店及購物中心,部分可以提供即日送到服務。好似我這種貪心旅人,去完四國睇藝術祭,又想去秋田泡個雪見風呂,然後又落番東京爆買兩日,行程滿檔,行李爆榜,就要宅急便幫手先將滑雪褸送去秋田、爆買手信送去尾站東京,全程唔使攞住行李。會唔會好煩? 填張form畀百零蚊,準時到達,而行李若在運送過程中遺失或損毀都會作出賠償,安心晒啦!

無論你是用「Japan Hand Free Travel」又或我最常使用的宅急便ヤマト(黑貓)和佐川,方法都好簡單。

行李宅配可在機場、車站、酒店及宅急便的櫃枱辦手續,好方便。

點搵幫手?
機場 / 巴士站 / JR站 > 酒店︰
貼有「Japan Hand Free Travel」標誌的行李寄送服務店舖
酒店 > 酒店/滑雪場︰
櫃枱職員會代為處理。

有咩程序?
填好宅配單據,職員會量度行李體積及重量、告知送抵日期及寄送費用、付款,搞掂。

記得填清楚收件地址和電話,無日本手提電話,可以填酒店電話。
記得填清楚收件地址和電話,冇日本手提電話,可以填酒店電話。

寄行李收幾錢?
行李會在指定時間運送至指定酒店。選擇運送的話,由東京至北海道收費大約‎ 2,268円/HK$170、大阪至北海道唔使$200,唔貴呀!

需要通知收件的旅館嗎?
有禮貌的可以發個電郵通知,不過,除非你有好大量的行李,否則其實不用特別通知。

行李有冇限制?

行李體積要在160厘米以內、重量在30公斤以下、行李總額不超過‎ 30萬円。 高爾夫球袋、滑雪板、雪地滑板等,即使尺寸超過160厘米,但重量在25公斤以下的都可以寄送。
行李體積要在160厘米以內、重量在30公斤以下、行李總額不超過‎ 30萬円。 高爾夫球袋、滑雪板、雪地滑板等等,即使尺寸超過160厘米,但重量在25公斤以下的都可以寄送。

A
去滑雪攞住太多行李上新幹線,阻住人又唔方便! (相片vivit_funabashi)

實用網址

JNTO 網址︰www.jnto.go.jp/hands-free-travel
佐川 網址︰www.sagawa-exp.co.jp/english/
ヤマト 網址︰www.kuronekoyamato.co.jp/en/

 

#2. 儲物櫃,梗有一個喺左近

上 次去大阪太早到機場,連櫃枱都未開,把心一橫去附近outlet行街,行李就放在機場的手提行李寄放處,一日收費620円/HK$46,與放在coin locker差不多。不過,如果要在新宿車站放低件行李,想搵一個儲物櫃都難。建議大家可以用「coin locker search」這個網站,雖然只有日文,但睇漢字都估到意思,在網站內可以看到日本全國主要車站儲物櫃的地點、料金、地圖檢索、利用時間、支付方法等等,非常方便。

網址︰http://coinlockersearch.com

COIN
有時酒店太遠唔想行完街仆返去攞再去機場,coin locker就係最好的幫手。

揀好車站會出現儲物櫃地圖,詳列儲物櫃的數量、大細、收費及使用時間等資料。
揀好車站會出現儲物櫃地圖,詳列儲物櫃的數量、大細、收費及使用時間等資料。

VSC0219 Outbound II_Gotrip Banner Size

相關文章