香港地百物騰貴,如果齋靠打工,人工未必追得上物價升幅。及早 儲錢 ,再用錢搵錢,才是達到財務自由的第一步。不過對於剛畢業的社會新鮮人,由於經驗尚淺,人工唔高,根據政府統計處數據,fresh grad入息中位數大約$11,000。新鮮人如何量入為出,儲到第一桶金呢?今次就同大家計一計,點樣可以實戰儲到10萬元 儲錢大法 。

撰文:Jackie(原文刊於《經濟一週》)

有很多人以(收入-支出=儲蓄),但這個方法很容易失敗,因為每月的支出都是浮動的,很難確保到儲蓄的速度。

想成功儲錢,第一步是要定下明確的儲蓄目標,然後跟隨這目標再制定使費限額。儲錢目標任君選擇,如果你選擇輕鬆的,達成目標年期自然較長;若想短時間內儲到這筆錢,就一定要捱得苦,但不是人人有這個能耐。

輕鬆版:3年儲10萬

其實以$11,000人工來說,3年儲10萬最輕鬆。每月儲$2,800,扣除MPF($550)及固定開支包括電話費等約$250,每月還剩$7,400。

你可以利用手機下載記錄使費的app,記低每項花費。

又或是以每個分類去計算,例如每天基本使費(食飯和交通)大約用$150,一個月30天就是$4,500,每星期一次食豪啲,一個月花約$1,900,還有$1,000買衫褲鞋襪或送禮。其實只要不是大花筒,這預算是很容易跟隨的。

不過,如果家庭有負擔或要畀家用,以家用$2,000為例,每月還有$5,400。不要將儲蓄年期延長,因為太長的年期會讓你失去耐性,所以應從使費著手。將每天使費降至每日約$120,一個月便是$3,600。不要每星期一次食豪啲,改為每兩星期一次,預算可降至$1,000,還有$800買新衫。

還有一點要注意,每月儲的$2,800要放入一個專為儲蓄用的戶口,這些錢不可以隨便動用,或者到銀行申請零存整付等計劃,到一個年期後才連息收回,總之愈難動用愈好。

加強版:2年儲10萬

若自問平時使費節制,可以定立2年儲10萬的目標,每月儲蓄額可增至$4,200。扣除MPF($550)、$250電話費及家用$2,000,每月還剩$4,000。每天使費便要降至$100,即一個月只能用$3,000,每月一次食好少少$500,置裝費減至$500。若果不給予家用,使費預算可以鬆動一些,當然這個問題每個家庭不同,請自行與父母商討。

地獄式:1年儲10萬

讀者可能覺得這是地獄式儲錢,但同事之中有人成功過!當然,你需要放棄很多多餘花費,值得與否則因人而異。

要1年儲10萬,每月儲蓄要增加至最少$8,333,扣除MPF後,你只得$2,117可花。所以,你要將所有開支減到最少,放棄高速的4G,轉用市面上最平電話費包數據任用,大約$88。

要由外出食飯改為帶飯返工,星期一至四的午餐錢減至$0;Happy Friday午餐$50、每天早餐$15、晚餐食住家飯、車費來回約$20,如此星期一至五返工使費約$900。

還有近$1,129,孝子用來畀家用,如果家人可免你家用的話,則可分配予周末玩樂。1年就有10萬元,係要刻苦啲喇!

想儲錢當然有秘訣:

01 | 盡量少用信用卡!

因為用信用卡會有種「遲啲先找數」的感覺,結果卡數愈碌愈多;就算用信用卡,喺還款到期前都要以全數支付,千萬不要畀最低還款額(min pay)就算。

02 | 分開日常及儲蓄戶口

想成功達到儲蓄目標,最好就是分開戶口管理,資金一旦放入儲蓄戶口,就不可以輕易動用。如果有投資習慣,亦應開設專門投資的戶口。

03 | 堅持!偶爾獎勵自己

儲蓄的旅途不要半途而廢,不過偶爾還是需要獎勵自己,讓自己更有動力,向目標進發!

每個職場新鮮人都面對過如何儲錢的難關,這是一個漫長的戰役,要經過長時間先會見到成果,所以當你參考完以上方案,制訂好自己的慳錢大計後,最緊要貫徹實行,祝大家都成功儲到第一桶金!

下一頁:4大記帳apps 助你脫離月光族