前排李克勤去上海時就俾一間全香港都識嘅航空公司整唔見咗行李,好彩事後搵得返,但都俾人由2015笑到2016。唔見行李除咗關航空公司事,其實作為乘客嘅我哋都要注意,單是2014年唔見行李篋嘅數量大約有2,410萬個!唔想好似未生咁不如先做足功課,立即教你點樣避免唔見行李篋嘅9個小秘訣!

1)  Simple is the best.

常言道:「Simple is the best.」而我地嘅行李篋都係同樣道理。的而且確當拎住一啲靚靚名牌或者係好潮嘅行李篋會增加我地去旅行時嘅興奮感,但相對地呢啲行李喼就好容易成為犯罪者嘅目標。既然我地嘅行李篋都預左會被拋來拋去撞到花晒,咁普普通通一個篋都未嘗為一個好事~所以最簡單最唔搶眼嘅都係方法之一嚟架!

01

2)  用大型鎖反而係大忌

好多人認為用大大把鎖去鎖住個篋應該冇問題啦掛?其實仲衰呀!「用咁大把鎖去鎖住嘅篋=入面一定有好貴重嘅野!」有呢個想法嘅壞人唔係冇架~所以盡可能都用細細地嘅鎖,冇咁顯眼比較好。

03

3)  作記號以辨認

其實又唔係個個都係衰人想拎左你個篋,頭先話用最普通最唔顯眼嘅行李篋,可能你就係同隔離果位某某個篋太似而搞錯左!我地可以為我地嘅篋貼上唔同嘅貼紙做記號又或者用行李橡筋帶以作識別,咁就冇咁易搞錯啦!不過記得唔好好似李某咁貼航空公司行李bar code label啊!咁樣個會篋有機會因為scan唔到正確bar code而出唔到去架!

04_01

4)   小心對清楚行李上嘅claim tag

所謂嘅claim tag,就係去櫃台寄存行李個陣地勤姐姐幫你個篋貼上嘅長貼紙,貼完個行李都會有一半貼返係你張登機證上面。但你知地勤姐姐都係人,難免會打錯資料貼錯篋,所以不妨check下貼紙上嘅航班資料等等有冇錯!

07_02

5)  使用到IT技術嘅保密措施

世界各地有唔少機場都有行李網上追蹤服務”TRACE ME”,即係係行李篋上扣上ReboundTag或者Bag2Go等等,佢地內裡會配備一個微芯片,以方便隋時隋地睇實自己個行李。但個人覺得除非係國家機密,相信都唔需要用到呢個服務~

08

6)  set好手機鬧鐘提醒自己

雖然有好多情況都係領取行李個陣唔見行李,但其實係往機場等等趕路其間係巴士或者電車之內都好易唔見行李架!有可能因為你平時唔係拎住個篋周圍走,又或者你旅行完嘅最後一日太攰訓醒就忘記左。不如預先設定手機鬧鐘提醒自己唔好唔記得自己最重要嘅行李呀!

09

7) 事先記低緊急聯絡資料

預先搵定所有必要嘅聯絡資料,例如航空公司嘅緊急電話,入境處,當地酒店嘅電話等等。因為當你發現自己唔見左行李果種心急發可能會令你手忙腳亂,要做咩都唔知。尤其係陌生國家,搵定緊急聯絡資料一定唔會錯!

05

 

8)  貴重物請跟身放入手提行李

雖然呢個係常識中嘅常識,但提提你都係將貴重物品放入手提行李吧!信用卡,貴重物,現金,passport等等都係拎住比較安心。難得去旅行冇理由唔見行李又唔見錢掛?

06

9) 分開行李嘅擺放

有時兩個人去旅行為左方便怕麻煩,都會盡量將行李塞晒係一個行李篋輕裝上陣。但其實將要帶嘅行李分開兩個篋可能反而更好~萬一唔見左嘅話都至少起碼仲有另一個。例如你上身同下身嘅都一SET一SET咁放入篋整理,就算唔見左都有另一套做後備呀!

02

真實事件分享:真係唔見咗點算?深呼吸冷靜啲先

的而且確唔見左行李係好嚴重嘅事。但發生左嘅話記緊先深呼吸冷靜一下先,因為就算你心緊如焚對住航空公司嘅人員大叫大喊都解決唔到。

曾經編輯都試過去長途旅行嘅第一日就唔見左行李,當下雖然好無助又無奈,但唯一嘅解決方法都係冷靜咁同航空公司嘅地勤人員講,清楚傳遞你嘅資料,通知之後旅程會影響到嘅人,亦都填寫低你嘅基本資料同住處。因為如果行李搵得返係會寄返俾你~而心裡亦都有最壞打算搵唔返,不過好彩篋入面放嘅都係衣服之類,就算唔見都可以買過。好彩編輯嘅行李最後都係某條行李帶上面出現返,確實係有驚無險!

所以都係果句,貴重物真係要跟身架!

 

 

延伸閱讀:

我有特別嘅執喼技巧@KKday