靜岡勝政日式豬排源自日本靜岡縣富士山腳下，於靜岡縣現時有7間分店，係靜岡縣一間頗有名氣嘅豬排店，開業超過20年。
兩年前，台灣柏諾食品取得靜岡勝政豬排嘅代理權(之前本身亦有取得銀座杏子豬排的代理權)，將靜岡勝政豬排引進台灣，讓呢間靜岡名店在台灣發揚光大。
來台後第一間店開設於桃園中壢大江購物中心，其後先後於台北、台中同高雄開設分店。
上次小編毒自去台中，去完彩虹眷村後返左一中搵野食，意外地入左中友百貨又唔知想食乜，啱啱好見到小編最愛的日式炸豬排，於是就行左入去食了。
店鋪裝潢具和風味道，店員的笑容亦唔錯。打開Menu見到有各式各樣嘅豬排，花多眼亂令小編真係唔知點揀好，
佢先將三種漬物帶來，分別係白蘿蔔、韓式泡菜同小黃瓜，都醃得相當入味；
食完呢個打算就走嘅時候(說笑而已)，之後就奉上高麗菜同芝麻碗，後者要做嘅小編唔多講：
磨碎芝麻後倒上甘口(甜)或者辛口(辣)的豬排汁，點豬排用的；
高麗菜可以夾到小碟上再加上芝麻沙律醬或者玉蔥和風醬(小編既然咁毒，咁緊係成碟嚟啦)，而且菜係可以無限添加的，
小編兩種醬都有試，覺得兩種醬都好開胃，但玉蔥和風醬真係有一粒粒洋蔥喺度，感覺上唔錯。
主菜到了－「厚切里肌豬排」到了。豬里肌係豬嘅背脊兩旁嘅肉，係用嚟做豬排的最好部份。
小編夾起一塊炸豬排放入口，覺得豬排咬落去不但肉質鬆軟、甘甜同多汁外，而且更是入口好快連同脂肪溶於口中，
而且外層麵衣同豬排緊扣在一起，真係好正，香港都好難食到咁正嘅豬排！
同埋呢度嘅豬排同之前磨好芝麻倒進嘅豬排醬本身相當Match！如果有得比小編免費添加豬排，小編一定會加！
飯可以揀白飯或者燕麥，但即使小編揀白飯都覺得一粒粒唔錯，因為佢係用煮飯機煮的，有助調節濕度。
麵豉湯係豚肉烹煮的，都算是唔錯，BTW飯同麵豉湯都可以無限添加的，唔夠喉可以即管加。
埋單加一Total NT$385，呢間來自靜岡的豬排名店值得向各位網友推介，如果大家諗唔到食乜，又想食啲夜市以外嘅食店，呢間絕對係一個選擇！
分店喺邊度？
<台北阪急店>－統一阪急百貨B2(台北市忠孝東路五段8號B2)
<桃園大江店>－大江購物中心GB (320桃園市中壢區中園路二段501號GB)
<台北南港店>－台北市忠孝東路七段369號CITY LINK南港車站C棟9樓
<台北SOGO天母店>－台北市中山北路6段77號8樓
<台中中友店>－台中市北區三民路三段161號C棟B2
<高雄漢神店>－高雄漢神百貨B3 (高雄市前金區成功一路266-1號B3)
官網：http://www.katsumasa.com.tw/
台灣.日和@Facebook：https://www.facebook.com/taiwan.sunlight/