去旅行最興奮嘅其中一樣嘢一定係搭飛機!但不時都會耳聞到航班上嘅西客故仔,淨係聽都會無明火起!航空界一直都對一個問題議論紛紛,正正係「到底係大陸客可怕,還是香港人令人激心?」。兩個地區嘅人兩種人嘅「地獄指數」同難頂程度有時好難放在同一天秤。今次空姐又分享到工作時的所見所聞,估唔到一盒hand carry 嘅日本白桃就睇到香港的本性⋯⋯

空姐心聲:比起大陸人,有時我更加怕香港人⋯⋯

港人難頂行為|01  霸行李架

個排咁啱白桃盛產嘅季節,某幾班日本返香港嘅班機都坐滿香港人,座無虛席。當我正忙住關行李櫃時,坐喺前面嘅女士突然大叫:「喂,小心我啲桃,我成箱放喺裡面,唔好畀人放嘢入呢個行李櫃呀!一陣壓爛我啲白桃,你賠返畀我!」

有時我真係唔明,邊個話過個行李櫃係你嘅啫?有位就放架啦!有啲野蠻客仲會叫人搬走個行李畀佢放,seriously?

空姐心聲
雖然心裡面係諗:「你呢條死八婆識唔識乜嘢係禮貌,仲有,我唔係叫阿喂,你啲桃咁撚矜貴就唔好放上去啦!」(圖片來源:GOtrip編輯部)

港人難頂行為|02自以為高人一等

雖然心裡面係諗:「你呢條死八婆識唔識乜嘢係禮貌,仲有,我唔係叫阿喂,你啲桃咁X矜貴就唔好放上去啦!」但我還是報以一個虛偽的笑容說:「小姐,你要知道行李櫃係共用嘅,其他乘客都有權使用架,boarding 嗰陣我一個人要睇晒成條aisle,實在無法確保你啲桃唔會被壓扁,不如你放喺腳下面自己看管,咁咪安全得多囉!」

「我要放對腳喺前面架,小小事都做唔到,冇鬼用架而家啲空姐。」  

我對眼反到上後腦。

空姐心聲
香港人成日覺得自己高人一等,要有特別待遇。(圖片來源:GOtrip編輯部)

港人難頂行為|03 越南睇騷遇著香港人 全程呻悶要shopping

除咗喺飛機上成日遇到呢啲自視過高嘅香港人外,我都唔鍾意喺外遊時遇到佢哋。

有一次去越南旅行,睇佢哋出名嘅doll show,啱啱有一團香港旅行團坐喺旁邊,成場show佢哋就不停投訴「好悶、好無聊」、「一早唔應該入場」、「去shopping好過」……

空姐心聲
(圖片來源:GOtrip編輯部)

香港人就係咁,無論食乜、睇乜都要比較,「我覺得上次嗰啲仲好lorrrr」,永遠覺得自己experience過嘅更好,凡事都要計到盡,畀咗一百蚊就要得到一千蚊嘅享受先叫著數。上飛機要爭窗口位,上旅遊巴要霸兩個位。

死唔執輸,乜都要搶咗先。

相反,我見到其他外國couples,無論嗰場表演係咪真係咁有趣,佢哋都會全情投入,興致勃勃咁睇完整場表演。

空姐心聲
我唔會覺得佢哋係水魚,反而覺得佢哋好幸福,唔係事事都斤斤計較嘅人,心靈美滿得多。(圖片來源:GOtrip編輯部)

港人難頂行為|04 MOMA睇展覽 訕笑耍聰明

曾經有一次喺紐約嘅MOMA睇展覽時,我聽到旁邊嘅香港遊客講:「咁樣嘅,我都識畫啦!」
嗰刻我真係想同佢講:「其實你出少句聲,冇人話你啞嘅。」

空姐心聲
(圖片來源:GOtrip編輯部)

我自問文化水平唔高,但嗰種連對藝術一份基本尊重都冇嘅人,仲憑乜嘢覺得自己高人一等呢……

其實香港人喺取笑大陸人冇文化時,係咪都應該反省下自身?

網友:做過服務業嘅人先會知其中辛酸!

  • 「幫我做個sales,有冇啲香港陀地真係衰過強國人多多聲!有少少學識嗰啲先最PK !着到身光頸靚,西裝友嗰啲,九成無錢!反而着得最樸素嗰啲先最有錢!」
  • 「做過服務業嘅人先會知其中辛酸……日日都係青山Open Day……最憎啲X街闔府統請咁衝入嚟叫你拎嘢食,全場試晒咁滯,突然間有人嗌:媽咪,有位啦!鳥獸散拍拍欏柚去晒隔離食糖水,唔該都冇句」
  • (編按:香港服務業人士見到這篇文章後,不能認同更多,紛紛指出自己的經歷。)

空姐心聲
(圖片來源:TVB《愛回家之開心速遞》劇照)

網友:香港人劣根性

同時亦有人指出係香港人最根本嘅劣根性:

  • 「香港人畀咗錢就要永遠的5星級服務」
  • 「最大問題係佢哋覺得自己無問題!!」
  • 「去到邊都可能遇到擺架子嘅人,與種族國籍無關,正如禮貌一樣,係人格&修養所致」
  • (編按:討論中也帶出,香港人認為畀咗錢就是大爺的認知。)

空姐心聲
(圖片來源:TVB《衝上雲霄II》截圖)

撰文:空姐發夢日記 A daydreamer's diary 圖片來源:新傳媒資料庫、TVB《愛回家之開心速遞》劇照、TVB《衝上雲霄II》截圖