每次去首爾 SHOOPEN 就算見到啲鞋幾靚、幾抵,都只係可以買一對起兩對止。因為就算狠心即場丟咗鞋盒,每對鞋依然佔行李唔少位置,直頭顧得買衫就掃唔到鞋!不過呢個問題下個就會消失,SHOOPEN 即將於 2016 年 1 月於荃灣愉景新城商場開幕。

主打賣鞋嘅 SHOOPEN 由長靴、皮 Boot、高踭鞋……到 Causal 布鞋、家居拖鞋等都有唔同款式,男裝、女裝、少女、OL 總有一款啱 Style。款式多加上價錢唔貴,約 $100 就有成交,喺韓國每逢大減價都吸引大班捧場客排長龍,係韓國人最愛嘅鞋店。唔止獨沽一味得鞋,店內仲有襪、Tote bag、手套、飾物等等韓系Accessories,幾廿蚊貨仔買嚟襯衫,真係一流!