（編按：以下東狗牙路線並非政府規劃郊野公園行山徑，個別路段陡峭，高低落差大，需要手腳並用攀爬。缺乏登山經驗、畏高、平衡力欠佳等登山初哥不宜挑戰，即使具經驗登山友，亦不宜單獨前往，路上必須有照應。）詳情：新手止步！近年最常發生意外的行山徑
圖文：原野 wilderness 授權分享
由東涌出發，轉乘前往昂坪或大澳的巴士到水口村 (東) 落車，回頭走數步便有地圖指示上山。
沿鳳凰徑抵達引水道後右轉，經小橋跨越引水道進入東狗牙山脊，正式開始狗牙嶺之旅。初頭有一段林路，草叢刮腳不斷，以至傷痕纍纍，建議大家穿著長褲為佳。幸好沿絲帶前進不久，景色漸轉明朗，更可飽覽大嶼山南部海域美麗景色。
跨越數個山坡以後，終於抵達中狗牙山丘，上望鳳凰山，下望水口一帶，景色開揚而壯麗，加上有片大草地，確是野餐的好地方。幸得朋友親手做的雞翼、蛋沙律、飯糰醫肚，倍感滿足。食飽後，走去旁邊的小山丘影幾幅靚相再出發。
睇見前面仲有一大段路要行，亦有2個難關等著我們，亦不敢久留，繼續向「一線生機」前進。途中亦有多個靚位影相，千祈唔好直行直過呀！
終於抵達「一線生機」
「一線生機」亦係分隔中狗牙跟西狗牙之間的一處絕嶺，而在絕嶺中卻隱藏著1條小徑讓一人通過，故稱為「一線生機」。正所謂天無絕人之路，當大家覺得前無去路同時，原來往往就有出路在你身邊。
手腳並用閰王壁
經過「一線生機」之後，便是「閰王壁」所在，雖然「閰王壁」一詞聽落恐怖，其實危而不險，手腳並用下小心攀上便可，途中亦不忘回看狗牙嶺之氣勢。
尾聲：斬柴坳沿天梯下昂坪
最後可以到達斬柴坳，然後可以選擇上鳳凰山睇風景或沿天梯下降至昂坪離開。
總結：狗牙嶺由水口村攀升至鳳凰山約900米，體力消耗大，「一線生機」及「閰王壁」等路段需手腳並用，而且沿路沒有補給、撤退點，不建議初行者遊玩。大家亦要帶足飲用水、食物以應付長途體力消耗。儘管路線長，但沿路景色確是一絕，影相位亦多，期待下一次西狗牙之旅。