睇完頭兩集《嘩鬼上學去》,相信大家睇陸永同C君上堂都已經睇到有啲悶!今集農夫兩隻嘩鬼就決定逃離校園、玩轉倫敦鬧市,仲玩到遲到被罰,陸永同舍監發火嗌交:「我老婆2點都未鎖大門!」睇畫面都知火藥味濃呀!

01| 監護人睇實農夫 冇得作反

原來未滿18歲的英國留學生都要由一名監護人照顧,放假期間亦會到監護人家中寄宿。農夫當然親身體驗,出發探訪一位監護人,了解英國留學生的寄住環境。兩隻嘩鬼被監護人睇到實一實,雖然冇得作反,但依然發揮搞笑本色,厲害!

同場加映:農夫教你講Do姐金句:

02| 玩轉倫敦 搭訕美女失敗

農夫又點會慣被人睇到實一實?二人當然立即衝出倫敦鬧市遊覽。去到倫敦時,見到當地人睡在草地上一臉寫意,竟上前搭訕、搗亂,嚇得美女們雞飛狗走!

03| 唐人街掃貨 買返學校做生意

兩隻嘩鬼離鄉別井「多日」,突然湧起一股思鄉情,所以去「唐人街」的超級市場狂掃特色食品,仲話想買返學校做生意喎!

04| 飯堂實習生  C君突發收養靚仔

二人被安排在飯堂做實習生,服侍大家食「頹飯」,腸仔、煙肉都幾heavy,大家都係多肉少菜。

食飽飯就碌草地,C君表示:「知唔知咩叫盲腸炎呢?」

05| 宿舍打牌 慘被食糊

打麻將堪稱中華國粹,兩隻嘩鬼返到宿舍想收買人心,所以用宣揚國粹為名,熱心教兩名外籍同房打牌,由筒子、萬子、索子逐隻教起,但……結果竟然係慘被食糊,陰功豬!