(presented by新濠影滙)

早前我都介紹過澳門「魔幻間」嘅escape from HK escape from reality奇幻之旅。佢嘅特點除咗係1票可以睇足3場magic show,有得睇兼有得玩之外,仲係由國際級魔術大師領軍嘅。因為「魔幻間」實在太魔幻嘅緣故,我去咗第2次,今次發現到一啲唔講你唔知,知咗絕對可以成功呃like嘅「魔幻間」5大玩法,想同大家分享下。

 

  1. 進入「時光隧道」

Ok!我認我第1次去嘅時候並冇提到佢,係因為我懷恨在心。條通道需要摸黑入去,個設計仲係四面圍鏡嘅,就係咁我撞咗唔知幾次。不過今次識路,當然可以好型咁帶住身邊嗰個行啦。呃like嘅嘢,唔一定係喺網上向成村人呃嘅,有時呃到1個就夠啦!

 

  1. 夠膽你就玩,轉走你嘅魔術裝置

上次我都有略略提過呢個開咗之後,可以透過高速轉動將邀請上去嘅現場觀眾轉到唔見咗嘅魔術裝置。夠膽玩嘅話,當然要影張相擺上網呃下like,但就算冇膽玩,同呢個可能係全東南亞唯一1個可以咁樣同觀眾互動嘅魔術裝置合照,都夠晒型啦。

 

  1. 與國際頂級魔術師合照

話明係由世界級魔術大師精心打造嘅1票3場大型魔術劇院,個集郵重點又點少得成個表演嘅主腦Franz Harary呢。難得喺「大師魔法劇院」遇到世界級魔術大師嘅時候當然要同「世界級」合照1張啦。

(溫馨提示:Franz Harary同好多魔術師一樣都幾chok下,影相唔想比下去,記得chok多兩錢肉緊。)

重溫下「大師魔法劇院」嘅精彩演出先。

其他劇院嘅魔術師都好型下架。

 

  1. Show前熱身

Show當然要專心睇,但識睇應該係可以留意埋一啲細節位。Travel佳一直好欣賞show前嘅「法寶廳」,有好多考驗眼球嘅擺設,同埋有含酒精唔含酒精但同樣色彩繽紛嘅嘢飲!飲完個show更魔幻。

(負責嘅職員好好人,唔飲都可以借嚟影張相。)

 

  1. Magic Orb

呢個Magic Orb並唔喺「魔幻間」入面,但都係位於新濠影滙,而且都有Magic element。一個大型嘅波點樣可以喺無嘢掛住嘅情況下半天吊?嗯!解釋到都係型嘅!

 

魔幻間

地址:澳門新濠影滙2樓

詳情:http://goo.gl/Jg2zvO

購票熱線:(澳門)853 8868 6767

免付費電話:(香港)800 900 783