摩天輪周年慶 半價惠港人

今個星期六、日(12月5至6日),中環60米高的中環摩天輪,大家搭過未呢?未嘅話就記得趁今個星期六、日去啦!因為喺呢2日,只須出示有效的香港身分證,即享5折!無論係買成人、學生、長者(65歲或以上)、殘疾人士及小童(3-12歲)門票,統統都有半價!以下幾件事,去之前一定要留意:

01.點解有得平?

2014年12月5日,佔領運動持續之下,中環摩天輪喺當日下午2點正式開幕,唔經唔覺一周年,主辦單位希望回饋港人,出示有效香港身分證即可享有門票半價優惠。

02.點樣買飛?可唔可以網上預訂?

請緊記,半價優惠只限到場購票,以及只限及當日使用,所以不設網上預訂

03.個輪有幾高?車廂有幾款

高度:60米(相當於 20 層樓 )
車廂:42卡(其中一個是全透明的VIP車廂)
容量:每艙最多容納 8 人

04.一程搭幾多個圈?半價嘅轉數會否搭少咗?!

時間:每程約 15 至20 分鐘
轉數:視乎人數多寡。轉動圈數介乎3至5圈

05.幾點去好?

開放時間:早上 10 時至晚上 11 時正(周年優惠特別開放至凌晨 1 時!)
編輯部建議上午9-12點前往,如果發現人龍無數,又唔派籌,即撇!

06.可否周六買飛周日搭?

唔可以!半價門票須在購買當天使用,大家仲可憑票尾在摩天輪的美食車,以半價享用德國熱狗和比利時窩夫等小食

07.即係幾錢?!

  1. 成人 原價HK$100,享折扣後只需HK$50;
  2. 65歲或以上長者及殘疾人士 原價HK$50,半價後HK$25;
  3. 小童、學生 原價HK$70,半價後HK$35;
  4. 兩款包廂票價半價後分別為HK$250和HK$400
  5. 最貴的貴賓車廂門票,享優惠後索價HK$750和HK$1,250

一年前⋯⋯摩天輪背景

60米高的中環摩天輪,在去年雨傘革命期間開幕,當時乘搭摩天輪到最高位,還可以見到夏慤道的帳篷⋯⋯事隔一年,當然乜都無得剩啦,喜歡吃喝玩樂搵節目的香港人,預料又會仆到去享受半價優惠;翻查當時新聞,其實開幕首個周末的摩天輪人流稀少,工作人員甚至「隻眼開隻眼閉」任由乘客坐多一圈贈興。

下一頁:係靚嘅!摩天輪縮時影片作品集

相關文章

【東華嘉年華2015】啟德機場跑道5大機動遊戲曝光

【冬日玩樂好去處】香港3大嘉年華大比拼

【東華嘉年華。追加!】「陀飛輪」登陸啟德!玩前必睇5件事

中環摩天輪,經典作品去片:

縮時拍攝 by Franso

日落移軸 by C.Lam

官方影片

相關文章

【東華嘉年華2015】啟德機場跑道5大機動遊戲曝光

【冬日玩樂好去處】香港3大嘉年華大比拼

【東華嘉年華。追加!】「陀飛輪」登陸啟德!玩前必睇5件事