秋天到,推介幾個香港賞芒草好去處畀大家。轉天氣,朝早多咗一份秋意,山友又係時候空群而出,上山下海去也!呢幾年好流行去睇草,除了大東山、粉嶺谷埔,其實還有很多不同選擇,路況與其他資料趁而家仲未係高峰期,就早啲放料出嚟啦!

01 | 大東山:芒草大本營


賣點:都唔使點介紹,一到秋冬,行山群組每日都有人問點上大東山。無他,一望無際嘅芒草,加埋爛頭營嘅石屋,絕對係香港出色靚景。注意!大東山芒草季每年由10月尾至11月頭才會出現,太早登山,芒草未算盛放。
路線:伯公坳 > 鳳鳯徑 >大東山頂 > 爛頭營 > 伯公坳

距離:6公里
需時:2小時 (單程上山計)
難度:2.5星 (5星最難)
注意:

  • ・大東山山頂需離開鳳凰徑!
  • ・爛頭營石屋為私人產業,由義工定期維修,絕對不要破壞,不要爬上屋頂!
  • ・近年媒體每逢介紹大東山,都會被山友譴責,究其原因,無非是因為登山者缺乏應有的責任、不顧登山禮儀的新手破壞並留下垃圾,故在此再三呼籲大家登山前要做足準備,自己垃圾自己帶走!

大東山芒草
圖片:Ti-lifestyle.com

上大東山攻略: 【擁抱芒草海】上大東山前必須知道的12件事(附交通、難度、初哥登山備忘!2019年更新版)

02 | 馬鞍山昂平:賞草兼有海景

賣點:遠望西貢無敵海景,坐足一個下晝都唔會悶!
路線:耀安邨或錦英苑或搭的士到馬鞍山燒烤場,沿石屎路接麥理浩徑。 到達昂平後,原路折返。

距離:約2公里 (單程,以燒烤場起步計)
需時:1.5小時 (單程上山計)
難度:1.5星 (5星最難)
注意:冇乜嘢要注意,記得唔好天黑先走!

路線詳情:馬鞍山徑 7個影相位

秋天限定-賞草好去處
周柏豪嘅〈金〉MV亦喺馬鞍山昂平取景。

03 | 飛鵝山:市區勝地

賣點:市區都可以睇到靚景,仲想點?
路線:彩虹MTR > 彩雲邨 > 飛鵝山道 (石屎馬路上山) > 飛鵝山山頂 > 飛鵝山道 (落山) > 彩雲邨 > 彩虹MTR

距離:約5公里
需時:3小時
難度:1.5星 (5星最難)
注意:我都知私家車/的士可直達,不過行下山啦!條路好好行嘅。

秋天限定-賞草好去處-2

另類路線選擇:鶴咀行山教學 | 交通、行山路線、景點一覽 | 香港秘景 海岸景觀遊

04 | 大嶼山老虎頭:日落意景

賣點:位於老虎頭郊遊俓,設備完善。中午過後去,仲有機會見到日落。
路線:愉景灣碼頭 > 愉景山道 > 愉景灣水塘 > 老虎頭郊遊徑 > 亞婆塱 > 白芒 > 東涌

距離:17公里
需時:5小時
難度:3星 (5星最難)

虎視眈眈愉景灣-老虎頭郊遊徑3
(圖: eric-cafe)

05 | 粉嶺坪洋:白芧田野

賣點:一般人都係叫芒草,不過其實係白芧,仲係一大幅。不過隨住政府強推東北發展計劃,呢一帶唔少白芧已受破壞!真係一路欣賞,你一路會忍唔住搖頭歎息。

交通:粉嶺火車站C出口,乘52K綠色小巴至九記士多下車,在沿坪原路行二十分鐘就到坪洋村。

(更新:網友報料,話坪洋草地已被剷平! ? )
秋天限定-賞草好去處-4

06 | 粉嶺谷埔:北望蘆葦海

賣點:蘆葦海同紅樹混埋一齊,極有特色!
路線:鹿頸 > 雞谷樹下 > 鳳坑 > 谷埔 > 鳳坑 > 雞谷樹下 > 鹿頸

距離:14公里
需時:2.5小時
難度:1星 (5星最難)

5大行山海鮮團路線-5

唔想行山只想野餐系列:2019秋天郊遊 | 16 大本地野餐草坪公園

07 | 元朗南生圍:水鄉風情

2018更新:本來是郊遊、攝影熱點的南生圍,在2018年經歷了數次火災、河水乾旱,還有颱風山竹的摧殘,本來的美麗生態已大打折扣,變得滿目瘡痍!想不到地產商發展之前,這裡已經數度失守,如果有意前往,記得切勿留下火種!

路線:元朗MTR > 蠔州路 > 渡頭碼頭 > 南生圍 > 南生圍路 > 博愛醫院 > 元朗MTR

距離:7.5公里
需時:2小時 (唔計喺南生圍hea)
難度:1星 (5星最難)

郊野短聚-元朗的忘憂谷-南生圍f

相關文章