無論你去過幾多次日本 ，總有同行者會話唔識填張 日本入境 表 ！其實自從4月換了新的入境表 ，需要填的資料簡化了不少，填起來好簡單，不過最棘手的是住民宿/Airbnb係咪應該誠實填報？而為了縮短入境時間，日本關西、沖繩及高松3個機場將會推出新 日本入境 手續，旅客需以機器自助套取指紋及拍照。睇完 日本入境 懶人包，包你快人一步， 入境冇難度！
第一招︰熟讀入境新玩法
日本錄得破紀錄的入境旅客，塞爆機場，關西空港閒閒哋要等最少38分鐘！為了縮短入境時間，今個秋天起，關西、沖繩那霸及高松空港會實施新 日本入境 方法。將原本在入境櫃位由關員負責套指紋及影相的程序分拆出來，改由81部「バイオカート」驗證機負責，旅客要自行跟程序套指紋+影大頭相（同以前一樣，套指紋係要用力壓），做完先去見關員交表格，官方樂觀地預計可縮短排隊時間。
入境新玩法︰
Step 1. 填好入境表+攜帶品申告書；
Step 2. 驗證機自行套指紋+影大頭相；
Step 3. 排隊見關員交護照+入境表。三個步驟，搞掂！
第二招︰入境表報真住址
新表格唔使再填性別、職業、護照號碼及攜帶日圓金額，相對填少好多，最麻煩的是「日本連絡方法」欄，通常我會寫首日住宿的酒店。但謹記要填清楚酒店名、地址及電話，否則填漏一樣都會被關員彈番轉頭。
依家好多人都會揀住Airbnb或者民宿，奉勸大家都係老老實實填寫真地址 （反正網絡大世界，人人都係朋友，去住朋友屋企又冇犯法嘅），亂填被人查到，有機會禁止入境5-10年，冇得去日本，梗係博唔過！
第三招︰一人一張報關表
入境時除了要填入境紀錄卡外，大家係要填多一張黃色的「攜帶品申告書」來報關。除非同行者係家人，否則呢張表格係要一人填一張（空姐成日老點話一團人填一張），基本上你係清白的話，所有問題都只需填「否」，而去到關口交表格時，一家人是可以一齊交，否則大家都係要自己顧自己，分開檢查。
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。