係人都知道印度出名節日多,

一年三百多個日子都有不同節慶.
那天不知道是甚麼黃道吉日,
我在印度Udaipur遇上婚禮.
從下午到凌晨,
狹窄的街道,
堆滿人羣,
男男女女無論甚麼年紀,
都在瘋狂吵耳的音樂聲下狂跳狂唱.
現場環境實在太令人興奮,
我一於有理無理,
忘記所有警惕,
立即加入跳舞隊伍同佢哋大鬥逼,
我要真真正正瞭解印度婚禮是甚麼一回事!!!

跳了半條街我終於見到新郎,
新郎騎住一匹裝飾得超靚嘅馬,

佢嘅前面仲有坐住一個好可愛嘅花仔,

有個印度媽媽餵了一些食物放在新郎口中,
但不知道是甚麼總之整個過程就是不可以吞下去,

然後就成條街嘅人不斷歡呼,
所有親朋戚友都陷入一個最high嘅狀態,
但為什麼我從沒有見新娘出現呢?!

我好努力先攝到位可以同超越靚仔花童合照

真係殺死人嘅笑容

跟香港一般結婚習俗儀式有好大,
只見到新郎在街道上騎馬,
兄弟姐妹家人朋友蜂擁而上,

樂隊、歌聲加上超大喇叭聲,
樂隊的名稱MASTER BAND 真係型爆,

全隊人穿上白色制服,
手拿樂器和大大的紅色BANNER,
加上拉著一架有幾個大喇叭的車,
有個像主音的會經常大唱唔知咩歌,
但可能音响設備不太好,
喇叭經常會發出刺耳的聲音,
整件事加起來好OLD SCHOOL,
但MASTER BAND 令現場氣氛高漲大有功勞.

樂隊的主音不斷示意我幫佢影多幾張相,可能佢誤會了我是婚攝

佢哋擺晒POSE真係唔影唔得

在印度Udaipur最爆紅的婚禮樂隊 :)

除了樂隊,
還有另一隊由小朋友負責的隊伍,
他們看似比較貧窮,
手拿著很大的燈,
他們在街上站在不同的位置,
為婚禮在漆黑的街道添上光明,
其實他們這樣很危險,
但是應該是為了生計.

印度是有很多童工的地方,
我很同情他們但又佩服他們,
最少他們是靠工作獲得成果,
總好過是在街上問人攞錢.

幾百人在街上亂跳一番,
旅人如我就好似參與了一個特備節目,
即時感到那份喜氣洋洋,
足以震撼了我好幾年.

印度人個個都係舞林高手

那天親身感受到以往只會在電影中見到的場面,
誤打誤撞走進了一個真實的印度婚禮,
幾百人狂歡共舞慶新人,
其實比起四十萬求婚更加令人看得更愉快.

跟了婚禮隊伍好幾條街我終於見到新娘了,然後所有人都走進他們舉辦婚禮的地方.街道突然安靜,我興奮地走路回旅館,心裡在想我喜歡印度其實真的有原因……….

Instagram : INDIAPINK

FACEBOOK PAGE : https://www.facebook.com/indiapinkpink

BLOG: http://www.indiapink.com/blog/