最近天氣開始冇咁熱,夜晚仲可以開始感受到少許秋意。提到入秋,當然喺食海鮮嘅好日子。經過兩個半月嘅休漁期後,漁獲盛產,價錢相應降底。如果想喺食海鮮,以下推介 4 間 海鮮食店,放假收工不妨約大班朋友去漁市場、海邊、入村落一嘗鮮味啦!

01 | 香港仔魚市場飯堂,買料炮製一條龍服務

由於餐廳連接魚市場,老闆一收到訂單,即走入市場內攞海鮮貨,新鮮生猛。佔盡地利,海鮮款式也特別多,常見的花竹蝦、海斑、肉蟹之外,更有手掌大的池魚、南海黃澤、三斤重的大鷹鯧。做法多樣,蒸、炒、炸之餘,還有外面海鮮店少見的鹹鮮和刺身。

餐廳內裝修簡樸,似室內大牌檔,可以涼住冷氣食海鮮,風味不錯!

刺身海中蝦 $200/6隻(連油料加工)

薑葱炒肉蟹 $200/約1斤(連油料加工)

鹹鮮蒸藍鯧 $68(連油料加工)

如預早一日致電留枱,定個Budget,主席就會替你發辦,揀近期最當造、肥美的海鮮炮製海鮮宴,每位二百多元,就可以吃得滿足。提提你,餐廳不做晚市,要吃海鮮大餐,就要中午十二點至三點半期間來幫襯。

香港仔魚市場二合海鮮餐廳
地址:香港仔石排灣道102號香港仔魚類批發市場
電話:2177 7872 / 9139 1199
營業時間:星期一至日 4am-3:30pm(12nn後有海鮮供應)
油料費:清蒸、白灼、煎炸、椒鹽$50/斤; 紅燜、菜燴$80/斤
平均消費:$250/位(海鮮連油料)
備註: 不設加一,想食頭手海鮮建議早一日預訂

 

02 | 大澳東方小祇園,素食混合海鮮淡雅原味

大澳這一家東方小祇園,已開了近六十年餐廳。為了增加競爭力,90年代始兼賣熱葷,像沙薑雞、生炒骨等,都已成為店內的招牌。不少行山熟客,更會習慣在街巿街一帶的艇家買海鮮,再帶來這裡加工。見熟客提著幾袋海鮮一到,老闆、店員就會跟客人齊齊討論煮法,好不熱鬧。廚師本身煮齋拿手,做海鮮,亦主張清淡方式,好跟本身味道淡雅的齋菜匹配。

薑葱蒸紅蟹 加工費$45/ 斤

一斑兩味 加工費$160

八寶佛湯 $75

餐廳只做海鮮加工,買海鮮的話,可到街巿街一帶運河艇家選購,款式以南中國海產為主,魚、蟹居多。由於餐廳不設劏魚服務,記得著艇家預先把魚劏好。

東方小祇園菜館
地址:大澳南涌14號
電話:2985 5459/2985 5732
營業時間:星期一至日 11am-7:30pm(星期六休息)
油料費: 白烚、清蒸$45/斤;蒜蓉粉絲或花彫蒸$50/斤;
薑葱、豉油王、豉椒、椒鹽$60/斤;
大魚兩味 3斤以下$160-$190
平均消費:$180/位(海鮮連油料)
備註:不設加一,只收現金

03 | 屯門三聖邨全邨獨有,重口味泰色食法

三聖邨食肆, 每到晚上,幾乎家家都有來料加工的服務:小食亭、茶餐廳、街坊酒樓,還有冬菇亭大牌檔。製作方式大同小異,唯獨其中一個冬菇亭,不止賣港式做法,還有泰國風味,算是全個三聖邨中,最有個人風格。由於有泰籍廚師坐鎮,故海鮮做法也滲著泰菜色彩:泰式香茅、黃咖喱、辣椒膏、冬蔭功,帶出鮮味之餘,更令海鮮更見香辣惹味。

青山灣芝士焗龍蝦 約$240/2隻(連油料加工)

泰式黃咖喱蟹 約$398/2隻共2斤重(連油料加工)

泰式香茅瀨尿蝦 約$250/2隻(連油料加工)

泰海鮮
地址:屯門三聖邨三聖街6號三聖商場地下5-9及14-16舖
電話:2459 9313
營業時間:星期一至日 11am-11pm
油料費:一般海鮮$48-$56/斤;元貝、帶子$12/隻;芝士焗龍蝦$96/斤
平均消費:$300/位(海鮮連油料)
備註:設加一,收信用卡

04 | 土瓜灣四川重口味,品嚐海鮮麻辣鍋

留守市區都可以食海鮮。正值海鮮當造,連四川小炒店都以海鮮招徠,像這裡的海鮮麻辣鍋,送上來時,就十分有氣勢!做法是四川乾鍋與烤魚的混合體,製作很花心機,海鮮通通分開煮調,故食落都有不同辣度和香味。膏蟹仔、九孔鮑魚、黃金蛤、海蝦,列陣排在烤魚鍋上捧出來,夾著新鮮指天椒、辣椒乾,紅噹噹的,睇見就想食。

百味海鮮麻辣鍋 $388/4位用

當中黃金蛤,以辣油、葱段炒過,香辣帶鮮;海 蝦預先走油再爆香,蝦殼脆卜卜;新鮮九孔鮑,加紅油調 味,微辣帶香。中間還排滿時令膏蟹,淋上特製辣醬,配上 雲南乾椒和泡椒,吃至底層還有招牌麻辣蓮藕,吸盡海鮮精華,辣得人舌尖發燙。

記得預早一日預訂,因老闆娘主張海鮮每日入貨,親自到街市選購時令靚料,包保新鮮揀手。

四川重口味
地址:土瓜灣北帝街26A號地舖
電話:2406 9332 / 6601 8448
營業時間:星期一至日 12nn-12mn
平均消費:$120/位
備註:海鮮鍋至少一天前預訂;深水埗分店同期供應;設加一,收信用卡