有啲野,係外國可能冇咩特別

小弟今次又可以分享下啲經歷~ 大家如果有去過大X樂食早餐, 通常咪有個通粉, 再有一塊硬到爆的多士, 然後一杯野飲. 好, 小弟通常都會叫一杯熱好立克又或者熱華田~ 之後我就會將塊勁硬多士放入杯熱野濕一濕, 嗱嗱嗱, 去到呢到, 阿媽就會話:邊有人咁食野架!! 你可吾可以食得好啲, 食多士就落牛油啦!懶到死!!

仲記得初初去到澳洲, 係hostel基本上好多人都係咁食,仲要吾只係多士,曲奇餅都會咁放, 係個刻, 我終於知道其實我都吾係一個奇怪的人!!

小弟本身都好中意著hoodies, 即係有帽的衞衣. 吾知呢, 我出街夜晚涼涼地又或者落街吾想整個頭, 都好中意笠住個頭. 又嚟了, 通常咁樣著, 都會比人話扮哂野, 又或者你做咩姐, 以為自己係skywalker!? 又可能真係, 因為我本身係star war 迷來的! 坦白講, 係香港行出街, 又真係吾多人會咁著….

但去到澳洲, 又係另一個世界, 夜晚行出街, 好多人都係笠住個頭架!!

吾知大家又有冇試過一啲奇奇怪怪的習慣, 但去到外國係一件好普通的事呢?

Facebook 專頁: 自由人背包記
https://www.facebook.com/freedombackpack/