1張機票好多時候都係去旅行嘅第1步。

而對於一間航空公司,1張機票就係承諾嘅第1步。
“To Fly. To Service.” 係90年黎英航嘅承諾。聽起黎簡單,但亦係最重要的。

係英航總部,可以認識到英航嘅歷史、唔同類型嘅飛機、飛行工具、日誌等等,又可以試下訓下business class XD

呢D 咁專業既文件真係唔識睇呢!!!=0=||

發現左呢個係1927年推出嘅sliver wing service (由倫敦去巴黎),加euro 1就可以有頭等嘅餐飲同服務。個時嘅飛機內部同火車係咪好似呢!

除左似火車,1924年原來仲有flying boats,主要用係跨地中海一帶,之後仲可以去到東非。呢張係係尼羅河上嘅flying boats。

呢個係我個人比較喜歡嘅宣傳廣告,好表達到係1974年合併重整後嘅 British Airways ,有嘅唔單止係多過 200架飛機、接近200目的地係88個國家等等,仲好表達到有方向嘅發展理念。呢d唔同嘅飛機shape 正正recall 起係英航總部看到嘅模型呢!

但印象最深刻嘅係個度嘅人……
佢細心咁講解每架機嘅歷史,有d咩特別,感受到佢對英航感到自豪,亦都好樂意講每個展板背後嘅故事。

而佢帶我地去走遍佢地工作環境,展示英航現有嘅設施,雖然只有短短5年工作經驗,但絕對唔馬虎。

記得走嘅時候,佢地仲特登去Print 呢張poster , 仲要用圓筒好好收好,(XD哈! 當年我嘅畢業證書都係咁收藏架!)

專業同誠意係從細微觀察的,總覺得一間公司嘅成功,硬件(科技)故然重要,軟件(人)更重要。

呢張海報用係大約1950年代早期,BOAC, British Overseas Airways Corporation, 係英航前身。
Fly to Britain,主要想鼓勵人到英國旅遊,描繪地點係Hyde Park,係標誌著倫敦嘅海報。

哈! 今時今日,British Airways帶我黎到Hyde Park,可以大聲講句 ”I fly to Britain.” XD