2017年4月22日更新:由於有市民於青山靶場內進行非法耕種,駐港解放軍近日貼出通告,內文指:「為有效管理和保護軍事設施,駐軍決定於2017年4月24日起,對青山靶場內的非法耕種點進行清理整治。」又警告當地屬軍事禁區,未經准許擅入或會被檢控,郊遊人士請注意!

今次介紹的是屯門良 港版大峽谷 ,人稱「菠蘿山」,交通方便, 九成是水泥路,風景超靚影相一流!峽谷位於良田坳往下白泥中間,要走45分鐘斜路上山,但因是水泥路,相對輕鬆。沿路兩旁為青山腹地,可看到連綿高山低谷。行完更可直落白泥影埋神級日落,一雞兩味,睇定三個影相位同路線,預備初秋出發!
text: Keith | photo:Him、Wing、 Ken Tang(原文刊於886期《新假期周刊》)

路線地圖

好多人都誤會這個「港版大峽谷」就是「菠蘿山」,但其實真正的「菠蘿山」是另有其山!

交通:去程乘西鐵到兆康,轉乘輕鐵到良景。回程到下白泥村公所或稔灣路沿路乘33號小巴到元朗離開。
補給:建議可到良景邨才去便利店及超市購買水糧。
時間:全程兩小時。
難度:兩星,九成路段為水泥路,輕鬆易走。
備註:要帶蚊怕水、電筒及防滑波鞋。

影相位01 | 港版大峽谷

大峽谷因斷層及風化而變得鬆散,範圍不大但深度約三層樓,近看很震撼,但因沙石風化,不宜走到太邊緣。泥黃的峽谷在日落時分染成金黃,隨手都能拍到好照片,唔夠喉還可以下山到下白泥繼續行程。

影相位02 | 峽谷前的S形彎路

峽谷前的一段彎路,左右兩旁很空曠,很有長路漫漫之感,看來文青們又要打龍抒發一下離愁別緒。

影相位03 | 神級白泥日落天空之鏡

下白泥的日落被喻為「香港最靚」,可惜交通欠方便,動輒花數小時入去等影張靚相,機會成本很高。而今次路線可先影大峽谷,再拍日落,計好時間全程約兩個鐘, 一雞兩味,點都有張靚相在手呃 like 。網友 Ken Tang 透露,潮漲及雨後泥灘水量輕微增加時就是拍攝好時機,日落及潮汐資料可從天文台網頁得知,但潮漲時記得預留時間撤退,影完峽谷不妨碰碰運氣。

峽谷點樣去?

第一步:穿過屋邨後見車路,見到草地就是後山入口,若找不到可問街坊,人人皆知。

第二步:其後路段全程上斜,但全是闊落水泥路,冇行開山的我和model都輕鬆攻頂。

第三步:上峽谷只有大路一條,不亂走分路便可。上到山頂開始轉行沙路,易跣腳,要小心。

第四步:上到山頂再走多10分鐘沙泥路, 看到警告牌就到了。此路有一定危險性,大家如果行,記得要小心,千萬不要為影靚景而去危險地方啊!

Info
屯門大峽谷

交通: 去程乘西鐵到兆康,轉乘輕鐵到良景。回程到下白泥村公所或稔灣路沿路乘33號小巴到元朗離開。
補給:建議到良景邨便利店及超市購買水糧。
時間:約兩小時。
難度:★★☆☆☆ 辛苦度:★★★☆☆ 靚相度:★★★★☆
備註:蚊怕水、電筒及防滑波鞋。

下一頁:郊遊好去處 | 白泥一日遊行程建議

延伸閱讀

安全最緊要 | 港版大峽谷 至下白泥行山日落指引

步向島嶼 | 香港 3 個連島沙洲郊遊路線

香港行山遊 | 1小時行完的 3 條郊遊 行山路線

親親大自然 | 5條輕鬆 文青郊遊路線