受到中東呼吸綜合症疫情影響,最近大家都避免唔去韓國,改機票改Plan改酒店,說好的首爾暑假無限押後;偏偏呢個時候,洪永城為拍攝新節目《在那遙遠的地方》,竟然貼出北韓旅遊打卡相--又係喎,去唔到南韓,轉行程去北韓都唔錯吖!

出Post時間係6月17日晚上9點,Tony本人都好意外地留言「唔係掛,北韓都可以上Facebook;Hello~大家好,我喺平壤」!據知今次行程係拍攝新旅遊節目《在那遙遠的地方》,專揀另類國度,北韓之類一早已經入紙申請,講到明想落地拍攝「平民生活」,出發前Tony仲話會去北韓的水上樂園!只不過絕對估唔到,原來仲可以玩到facebook呢!

 

時間倒流到去4天前,攝製隊由北京經坐火車去丹東進入朝鮮,本來預計呢一張會係斷絕網絡的告別照,點知原來朝鮮咁「開放」,真相係點,大家不妨繼續留意Tony嘅instagram戶口:http://www.instagram.com/guruhung

 

 

講返平壤天氣,原來這個時段氣溫都十分適合旅行,無乜工業污染,大百天時都會曬到甩皮架!