北海道羽幌不算熱門旅遊地,名不經傳,卻是全日本出產最多甜蝦的地方,每年平均有900噸產量。每年6月至9月最當造之時,小鎮處處可吃到甜蝦。今次推薦的是極高質的兩大 北海道甜蝦 專門店!

text: Perrins | photo: Him | 原文刊於883期《新假期》雜誌

01 | 45分鐘喪食 最瘋狂甜蝦放題

食完一輪 甜蝦 仲未夠喉?終極的甜蝦刺身放題,一定可以滿足到對甜蝦無窮的慾望。羽幌另一名店おろろん食堂,有一款secret menu甜蝦套餐,須三日前致電預約,店內完全冇得柯打,好神秘!重點係套餐的甜蝦刺身可在45分鐘內無限添食!

店主山田女士毫不吝嗇,每碟約6至700克甜蝦。甜蝦不算太大隻,不過味道及肉質恰到好處,吃得到鮮甜味。除了刺身,還包迷你甜蝦丼、熟甜蝦、沙律、明太子漬及蝦麵豉湯幾款甜蝦菜式,今次夠放肆了吧?

おろろん食堂
地址:北海道苫前郡羽幌町北四条1
電話:+81-(0)164-62-4815
營業時間:9:00am-4:00pm(6月至10月) 10:00am-3:00pm(4-5月、 11-12月)
交通:沿岸巴士羽幌町內循環巴士,Sunset Plaza站下車
網址:yamada-suisan.ftw.jp

02 | 霸氣!30隻啖啖肉甜蝦丼

羽幌市不大,只有五、六間 甜蝦 專門店,當中最吸引的是北のにしん屋さん,最馳名的甜蝦丼大盛,足足30隻甜蝦整齊排列好,多到完全見唔到飯面。每隻蝦肉晶瑩剔透,肥美肉厚,而且全部已經去頭剝殼,乾乾淨淨,甜蝦鮮甜富黏性,配上自家製醋飯,啖啖都是幸福感。除了甜蝦丼,還有十種不同魚生的羽幌丼都是招牌作。

開業超過12年,在羽幌對出的武藏堆水域自家捕獲,嚴選最新鮮最靚貨色,每日甜蝦銷量超過100公斤。店子由11點開始擠滿食客,建議早點來吃個滿足早餐,冇得輸!

北のにしん屋さん
地址:北海道苫前郡羽幌町栄町89
電話:0164-62-5671
營業時間:11:00am-3:00pm
交通:沿岸巴士羽幌町內循環巴士,幸町太田前站下車

下一頁:6大必買 北海道甜蝦手信


延伸閱讀

北海道魚市場海鮮入手貼士 

2016 北海道海膽 10 大疑團

札幌 |  北海道Airbnb 10大最抵玩

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡