「嘩!你哋做旅遊記者,周不時去咁多地方識飲識食開眼界,真係冇得頂啊!」

話其實只說對了一半:旅遊記者這一行,除了「冇得頂」的經歷,要數「有得頂」的場合,也不少的:頭暈身㷫、水土不服十常八九,更何況今次要談的是「撞邪經歷」。那天同事們說起出差怪異集,發現大家的「撞邪事故」竟是如此的跨地域兼無國界,當中又以多宗酒店奇談最為驚心。旅遊記者的外遊怪談,件件親身體驗、愈傳愈講愈驚心,反正已在業界流傳多時,就趁今年破禁跟大家分享⋯⋯

旅遊記者7個出差奇遇記

‪好猛 01 | 爬牆個室 – 日本

記者Ms.T:「有次跟一班行家去日本東北出差,看過煙花浸過溫泉,悶得發慌沒節目,大家就返房瞓,我跟另一雜誌記者共用一個榻榻米房間。到半夜對方忽然叫我起身關窗,初時以為佢凍,想不到事後她驚到走音地同我講:『頭先有個梳了古裝頭、穿和服的男人,在窗口外好似四腳蛇咁爬過,仲望入房咧嘴而笑⋯⋯』佢自己驚到郁唔到,竟然叫我起身搞掂佢!」

出差奇遇記 | 有次旅行好鬼猛!旅遊記者憶述 7 個撞邪故事
個案1:日本爬牆個室。

好猛 02‬ | 無臉新娘 – 關島

記者Mr.Q:「有次我去採訪十分例 牌的關島婚紗活動,回來睇相,發現其中一幅相,新娘塊面竟然係冇眼耳口鼻!!無論圖片zoom得多大,都望唔見新娘臉上五官,連少少輪廓都冇,好平!我到依家都唔敢寄番張相畀當事人!」

出差奇遇記 | 有次旅行好鬼猛!旅遊記者憶述 7 個撞邪故事
個案2:關島無臉新娘。

好猛 03‬ | 不速之嚇 – 新加坡

記者Ms.F:「多年前去新加坡做消暑特集,跟 model 分別入住兩間相連的connection room。到半夜,隔壁房有人不斷敲門,十分鐘後才聽見model開門跟對方講了幾句,然後就傳來關門聲。

「第二朝我問 model 發生乜事,原來佢話當時有個穿白衫的長髮少女蹲在對面房門前問:『我可唔可以入來坐?』幸好當時model半夢半醒未識驚,迷迷糊糊拒絕後就撲回床上再瞓。

「但其實當晚她關門以後,我仍然聽見門外有細碎的說話聲,一直吟噚到天光!」

出差奇遇記 | 有次旅行好鬼猛!旅遊記者憶述 7 個撞邪故事
圖片攝於格拉斯哥Kelvingrove美術館,只是東翼展覽廳的擺設,襯托一下而已,作品本身跟撞邪是無關的!

好猛 04‬ | 滾動民宿 – 台南

記者Ms.S:「出差怪事未試過, 不過早年有次自己放假去旅行,入 住台南的舊式民宿好驚心。入到洗手間,見到好多啡色手掌印橫掃廁所幅牆,屋主話係拍蚊時留低的,我唔知信唔信好!」

出差奇遇記 | 有次旅行好鬼猛!旅遊記者憶述 7 個撞邪故事
日治時代的「龍騰斷橋」。

‪好猛 05‬ | 記得熄燈 – 馬來西亞

攝記Ms.M:「有晚在酒店開住燈瞓, 中途扎醒,但個人好似窒息唔郁得,睜開眼望唔見異樣,但就覺得有無影腳圍住我個枕頭踩咗個圈,跟住房燈同廁所燈就自動熄晒!嚇到我即刻換酒店!」

出差奇遇記 | 有次旅行好鬼猛!旅遊記者憶述 7 個撞邪故事
個案5:馬來西亞。

‪好猛 06‬ | 尾房心慌慌 – 拉斯維加斯

記者Mr.W:「有年去拉斯維加斯,因溝通問題,接待的老牌酒店竟沒有預留房間給model,結果臨時安排了一間單人 房。Model入住後,卻一日比一日神不守舍、甫士生硬、上鏡冇表情;到後來搬離酒店,model才自爆之前幾晚廁所燈和電視機無故自動開關;明明係尾房,每晚門口卻不斷有腳步聲穿梭⋯⋯」

出差奇遇記 | 有次旅行好鬼猛!旅遊記者憶述 7 個撞邪故事

捱了三天 後,個人已經帶點呆,結果在旅程後半部,更主動要求跟我和攝影師兩個男人同房, 寧願加床瞓梳化,咁都肯自己返房瞓,相信她是真心驚的!」出差奇遇記 | 有次旅行好鬼猛!旅遊記者憶述 7 個撞邪故事

‪好猛 07‬ | 怨念木偶 – 歐洲

記者Mr.K :「年初去威尼斯,採訪後獲贈一個12吋高綠色『花仙子』木偶,返港後,我將木偶掛在公司,之後身邊同事就不斷遇上怪事:鄰座同事的手機無端失蹤、對面同事的電腦鍵盤半夜自動打字(I.T.部都解釋唔到)、家中打稿的同事回來後發現檔案離奇消失、集體叫外賣3小時又未送到(茶餐廳亦都解釋唔到)⋯⋯最慘係我部手提電腦無故跌爆、入廠維修千幾銀!」

出差奇遇記 | 有次旅行好鬼猛!旅遊記者憶述 7 個撞邪故事
最後我決定將木偶封印於垃圾桶,之後一天光晒,怪事再沒發生了!

下一頁:酒店你好猛 | 做空姐總會遇上幾個「朋友」

shaerLinkTemplate_fa_haunted_s

下一頁:旅遊記者出 trip 心得!入住酒店開門必Check 5件事

shaerLinkTemplat_check_hotel

相關文章