MACAU_YUKI01前兩日港女又去了一轉澳門,親身上 巴黎人鐵塔直擊 。不過返香港忙著捉小精靈,今日終於提起勁寫一篇感想。事關這兩日身邊的朋友仔都問,究竟鐵塔A貨味濃不濃?個景美不美?值不值得上去一次呢?等我一次過跟大家解答啦!

Q1)跟法國巴黎鐵塔有幾似?

A)港女出發前都想藐爆山寨貨,不過現場去到有改觀。因為外形上模仿到十足,就下角度影相,話身在法國都有人信。不過塔身比正版小一半,塔下的蚊形花園,絕對沒有戰神廣場大,感覺很難找到靚位跟鐵塔影合照。

_W7A8242
鐵塔沒有電梯直到地下,要由酒店主樓(6或7樓)行天橋到鐵塔。

去片:

Q2)會不會土豪風娘味濃?

A)酒店外觀不會閃到爆,幾靚。雖然未完全建好,不過港女現場所見,都不會很「娘」,塔內暫時亦未見到簡體字,都可以幻想自己去了法國影相。不過開幕之後,相信迫爆強國團,我隨時要收番以上這番說話。

_W7A8398

Q3)跟正版一樣有鐵塔鎖匙扣賣?

A)現場未見紀念品店,如果有,港女都絕對不會買,收朋友老土手信仲未夠咩!

_W7A8288
由7樓露天觀景台望上去,呃得下人。

Q4)鐵塔有幾多層會開放畀公眾?

A)兩部鐵塔電梯可以去到7樓觀景台、17樓樓梯中轉平台(未知會否開放予公眾)和37樓頂層觀景台,住客和非住客都要付費入場(價錢未公布)。不過暫時見市面上的酒店開業優惠套票,一晚住宿已經包埋7樓觀景台。遊客另可由主樓天橋行到鐵塔6樓。

macau18
17樓會不會開放,尚未公布。

macau17

Q5)塔內有餐廳?

A)有,不過個人不太期待。由酒店主樓有天橋行到鐵塔六樓的「巴黎軒」,完美迎合國內豪客,食中菜堅破壞氣氛,你食埋我嗰份!雖然今次未親身入餐廳睇場,不過位置不高,個景好極有限。

Q6)上到頂層可以睇到甚麼景?

A)鐵塔位於路氹大道中間,面向金沙城和旁邊的爛地地盤,背面是酒店主樓,可以遠眺澳門市景。不過想睇日落會失望,幾乎完全被酒店主樓遮擋,勉強可以欣賞到天上紅霞。另外左右則是威尼斯人和新濠影滙。

_W7A8407
觀景台面向金沙城和旁邊的工地,大煞風景。
_W7A8481
日落景被巴黎人酒店主樓擋住。

Q7)觀景台值得入場嗎?

A)雖然兩層觀景台都未公布收費(預計頂層的會更貴),不過預計會跟隔籬的8字摩天輪差不多,大概$100-200左右。不過講真,頂層觀景台不大,唔影相齋行一分鐘都行完,值不值就見仁見智喇!港女認為去7樓的就夠(因為套票已包)!

_W7A8434
頂層觀景台跟正版的有九成似(除了個景),都有安全鐵網圍住。

Q8)開幕之後會不會想住?

A)根據酒店公布資料,酒店內有水世界(目測不大)、劇院、購物中心和餐廳等設施。個人的興趣不太大,不過勝在價錢抵,平日去連船飛不用九百,新屎坑值得住一次試下。

_W7A8492
港女見泳池未建好,不過驟眼睇面積不大。

_W7A8516
鐵塔每晚都有亮燈騷,帶埋情人睇應該幾浪漫。

相關文章