濟州賞花,很多人先會想到櫻花、油菜花。不過唔講唔知,原來韓仔韓妹一樣鍾意揀在初夏到濟州旅行,有得玩水之餘,同期仲可以欣賞到大爆發的繡球花海。港女我在6月底包車遊濟州島,望出車窗,時不時都見到靚靚繡球花。不過講到最靚最震撼,一定係東岸的終達里(종달리)繡球花花路!

濟州終達里繡球花路 6月底至7月中盛開!


駕車在這條花路慢駛,都要差不多4、5分鐘先睇完。由窗望出去,全部都是花!

本來沒有打算去睇這條繡球花路,不過前往舊左邑的途中,包車司機話:「附近有條好長的花路,你們女仔實好鍾意,我見很多韓國女仔都會在這個月份去睇!」

rsz_yuki-jeju-22
最後在司機力推之下,路程又不遠,我們一於順路兜埋去!

由沿海公路轉入一條窄窄的小路,望出窗是望極都未完的花路。無限延伸,引得我們在車上興奮大叫!

YUKI_JEJU_H28
部分花路沒有行人路,偶然會出現人車爭路的情況。

即刻叫停司機,落車睇個夠本。一球一球粉紅、粉藍、粉黃、紫色連綿不絕的繡球花叢,連成左右兩道近八百米的花牆。顏色夠多,一次過影夠一年分量的profile pic都仲得。

YUKI_JEJU_H29
因為花路近海,所以花期較濟州其他地方短。港女到訪時是6月底, 7月中去,可能已經是水尾了。

花牆跟人差不多高,拍出來的效果很靚。我們邊行邊影相,逗留了半個鐘都不捨得走,加上近住海邊,可以眺望濟州有名的天使藍海水,吹住海風賞花,不會又熱又辛苦。

YUKI_JEJU_H31
韓國情侶似乎好興自拍pre-wedding,今次賞花行已經見過幾對喇!

大部分車輛駛入花路,都會慢駛賞花。不過留意番,部分路段不設行人路,所以掛住影相時,都要記住睇車。影到最後一刻,司機大叔都忍不住提我們要趕行程,才急急腳上車走人。

YUKI_JEJU_H32
沿路見到很多韓國遊客慕名而來賞花,反而中國人就絕跡。

問過司機,原來當地政府為了吸遊客,十年前種植大量繡球花,這條野生繡球花路,其實政府都有派人保養。一直以為睇繡球花是日本、台灣的專利,來一次濟州就會改變諗法喇!

各位想瘋狂影花的妹豬,建議你們包車或乘的士比較好。因為坐巴士的話,落車要行成半個鐘先到。如果想今年趕來繡球花路,7月中已經是水尾了,效果可能會不似預期。索性去有專人打理的Camellia Hill,去到 8月頭仍然有很多很多繡球花睇!

yuki_jeju23
司機大叔堅冇推介錯,港女影到好多靚相啊!沿路的繡球花都高過我個人。

종달리終達里繡球花路

地址:제주시 구좌읍 종달리 150

交通:建議包車或乘的士前往!如乘公共交通工具,由濟州市長途汽車站乘701巴士,至종달리下車,往海邊方向走30分鐘才到達。

備註:靠近海邊,花期較短,由6月底至7月中。

 

IMG-YUK

相關文章