酒店雪櫃 唔夠凍 唯有 Let it go ? 教你4 招應付| 杜遊珍

酒店雪櫃 唔夠凍 唯有 Let it go ? 教你4 招應付| 杜遊珍

早排帶隊去日本大阪趁環球影城,食完個晚餐順手買咗杯 限定抹茶雪糕 ,返到 USJ 酒店都仲頂住食唔落,但酒店雪櫃仔多數唔夠凍,咁呢啲情況,大家會點做呢?

文:杜遊珍 圖片:杜遊珍、互聯網

01) 「雪」和「冰」是兩件事

酒店雪櫃 仔多數預你雪下飲品,未必有冰格,就算有都未必夠凍!有團友試過買支雪條食到一半(點解唔食埋佢?),連包裝紙放入去雪櫃想一陣餓再食,結果?溶到一櫃都係,辛苦晒清潔姐姐啦!

酒店雪櫃
酒店雪櫃一般唔預你放冰製品,放入冰格都未必夠凍,更唔好話無放!

02) 酒店櫃檯幫到你

大概係亂咁存放雪糕喺冰格大有人在,東京個別有酒店提供溫馨提示,寫明「房內雪櫃不適用冰藏,如有需要食物可放到櫃檯代為處理」。阿珍試過喺USJ酒店成功存放Häagen-Dazs,做法係走落 Lobby 請櫃檯姐姐幫我冰,仲會掛埋房號牌仔標認,好尊貴!其實日本、台灣有不少酒店都有此服務,但要記住「幫你是人情,唔幫是道理」。

相關文章