一年容易又盛夏,最好就係去海邊!位於台灣最南端的墾丁有國境之南的美譽,有山有水有靚景。以下10個墾丁必去景點,有得玩、有得食、仲有台灣辣妹!快快收拾好行裝,帶上黑超飛去呢個南國啦!

相關文章︰
國境之南 10個墾丁必去景點(下)
http://gotrip.hk/article/index.php?id=21851

國立海洋生物博物館

被遊客與當地居民稱為海生館的國立海洋生物博物館位於前往墾丁的路上,屬於屏東縣車城鄉,臨海而建亦是睇日落的好地點。館內分為三大展館,分別為台灣水域館、珊瑚王國館 以及世界水域館 ,各有特色。最正嘅係,海生館有香港海馬公園沒有的白鯨、巨大海藻林及鯨鯊!建議可在前往墾丁當天預留時間參觀,咁就唔駛走回頭路了。

出火

唔好心邪!墾丁的出火其實係個自然景觀。所謂出火,是由於當地有天然氣從地底裂隙溢出,經點火後燃燒造成。一般人都會選擇入黑後來參觀出火,既可以見到火舌由地面噴出的情境,不怕食壞肚的朋友亦可一試在附近買來爆谷、棉花糖,在火上烤熱來自製小食!

後壁湖

如果你問墾丁居民去邊度食魚生最好,佢哋推薦的一定會是後壁湖。呢度有著恆春最大的漁港以及最大的遊艇碼頭,每年四至七月是旗魚、雨傘魚、鬼頭刀,以及10月至翌年3月是黑皮劍旗魚、白皮魚的魚穫高峰期。由於大量的魚穫,而且每天新鮮運到,魚生又平又好味,係魚生愛好者的天堂!除此之外,後壁湖亦有著大片的珊瑚沙灘以及潮間帶,所以唔少人都會來呢度玩浮潛,但水質當然比不上菲律賓等潛水盛地的清澈。

船帆石

船帆石係墾丁的其中一個著名地標,因為看起來似隻帆船因而得名。由於位於前往鵝鸞鼻燈塔的路上,所以一般遊客都曾與它有過一面之緣。除咗似帆船,又有人話船帆石近睇好似美國前總統尼克遜,你又覺得有幾似?船帆石又係除了墾丁大街外其中一個民宿聚集點,大大話話超過50間。緊係啦,無敵海景民宿,旺季就會變得勁搶手!

風吹砂

有冇諗過係海邊會有小型沙漠的出現?由於地理環境的關係,在距鵝鑾鼻約7公里的地方出現了風吹砂這片連綿總長1,500公尺,闊約200公尺的砂丘。搭車經過風吹砂時都會見到三分一的公路上鋪滿了細沙。不過由於植物阻擋沙粒積聚,現在大片砂丘的情況已經不復當年了。