去旅行不可缺少的環節一定是買手信!除了因為你有心買給對方,安慰一下無得放假的朋友同事亦是必需的!買手信是一門學問,近日余德丞(Dickson)剛剛去完泰國,並回公司派手信,來他把芒果乾用密實袋重新包裝,整個外觀看起來同食剩沒有太大分別,令Do姐都忍不住開口鬧埋一份!隔日,《口水多過浪花》的幾位主持趁著Dickson放假,就以「最唔想收到的手信」為題目,引述了CNN選出10款不受歡迎的「垃圾手信 」,雖然大家認為不是強制送手信,DO姐表示:「其實我都冇乜所謂,有返啲heart已經得。」,以下整理15大最差手信,大家不妨一睇,下次買手信留意下!

手信
(圖片來源:Facebook@口水多過浪花)

01|毛公仔

如果男朋友去旅行要買手信給女朋友,那這一條可以略過,不過把公仔帶回香港,非常浪費行李箱的位置,而且並不是所有人都喜歡,所以買之前要三思,以免浪費力氣。當中主持人認為在水族館買的公仔最無謂,而在公仔機夾上來的公仔就可以接受,Do姐直言:「我就唔需要啦,要清呢啲垃圾。」

手信
(圖片來源:小紅書)

02|外幣

「去完旅行仲有散銀未用?一於送給朋友做紀念啦!」除非你的朋友真的有收藏各國硬幣的嗜好,否則還是把神沙留給自己好了…當然如果係大面額紙幣就唔同講法。而Do姐就搞笑說到:「宜家自己港幣都唔想收,仲要外幣!冇興趣!」

手信
(圖片來源:Unsplash@Michael Longmire)

03|球衣

除非你深知朋友喜愛的球隊,否則買錯對方的死對頭,傑朱解釋道:「喺啲唔係球迷嘅眼中,佢覺得你鍾意嗰隊係紅色,佢就會覺得買件紅色嘅波衫畀你就冇死,其實阿仙奴、利物浦都係紅色,你唔小心買錯死對頭就死啦!」

手信
(圖片來源:小紅書)

04|「大補酒」

遊客會外地購買的「大補酒」,當中疑似用了蛇、老鼠、鹿等等來釀,未必所有人都能接受,所以都係唔買最好!

手信
(圖片來源:小紅書)

05|地標模型

在著名景點或遊客區,不論是路邊攤或是手信專門店,都可找到大量地標模型。雖然某些著名地標外觀很漂亮,可是這類禮物也會予人無新意的感覺。除非你肯定對方很喜歡某地標、某國家,否則大多是收到抽屜中,石沉大海。

手信
(圖片來源:小紅書)

06|鑰匙扣、杯、杯墊

以上都是大家會在手信店中常見的產品,這些物品印有當地最特色的標誌,10年前收到就會好開心,不過隨著大家都非常容易去到旅行,這些產品的魅力就不如當年高。

手信
(圖片來源:小紅書)

07|沙、石、鹽

到熱帶國家旅遊,不少人都會買一些瓶裝沙、石、鹽作手信,Do姐聞言坦言:「係啊,嗰啲好多顏色嘅沙,一層一層嗰啲,得㗎啦!慳返啦」當中大家提及到不少人會擅自把海邊的沙石以及火山石帶回家,其實此舉動是犯法,而部分海島更流傳詛咒故事,指隨意把沙石帶回家會厄運纏身,希望對遊客帶有阻嚇性。

手信
(圖片來源:小紅書)

08|貝殼

除了沙石之外,不少人更會把貝殼作為手信,令Do姐感嘆:「唔好啦,一來你又破壞環境,你攞嚟冇用嘅!」

手信
(圖片來源:小紅書)

09|「要照顧」的物品

平時生活已經有很多事情要打理,如果對方的手信為需要淋水、陽水、保護、維持、冷藏的物品,相信唔送好過送。

手信
(圖片來源:Unsplash@Lauren Mancke)

10|「I LOVE 某某地方」上衣

去旅行時一定會在遊客區看到「I LOVE 某某地方」的上衣,不過就毫無作用,回到香港根本不能穿出街,最後淪為睡衣,CNN指這種衣服太泛濫,又容易撞衫,不適合作手信。

手信
(圖片來源:IG@nikbentel)

11|書

相信不同人在閱讀方面都有自己的喜好,加上書本在一定的重量,所以並非最佳手信之選。而Do姐認為要看看是什麼書,畢竟有重量用心良苦

手信
(圖片來源:Unsplash@Eugenio Mazzone)

12|傳統服飾

遊客很有可能會一時興起買下具有當地特色的服裝當禮物,雖然很珍貴,但除了在萬聖節穿上,其餘時間只能放在衣櫃封塵,而且這些服飾並不便宜,說得上「食之無味,棄之可惜」。

手信 26art7
(圖片來源:新傳媒照片庫)

13|自己都唔想收的手信

如果是自己都會嫌棄的手信,就無謂送人了。

14|花圈

提起夏威夷會想起花圈,如果在熱帶地方戴的話,就非常有儀式感,充滿度假風情,不過作為手信的話,到底有什麼意義呢。

手信
(圖片來源:小紅書)

15|最後一刻機場隨手買的手信

唔少人會在最後一刻在機場買,大部分都是「唔理好醜,但求就手」的手信,既然無誠意,倒不如不要送。一班主持人表示「關余公子事啦!」雖然Do姐表示機場中的手信店有不少產品都值得買,不過就忍不住再度公審Dickson:「機場都有OK嘅,係睇你有冇心!講返余公子,個芒果乾佢夾硬話好食,係我面前食咗兩條,個痛苦樣啊哈哈哈哈。」

以上都是CNN選出的「垃圾手信」,當然每個人都會不同的喜好,也一定會有喜歡以上手信的朋友,所以就當參考好了!

手信
(圖片來源:Facebook@口水多過浪花)

Do姐瘋狂追擊余德丞 手信「黑歷史」唔止1單

Do姐除了不滿余德丞的泰國手信,更追擊其買手信「黑歷史」一籮籮Do姐指,有次Dickson去完日本旅行,帶手信回公司時直言於日本機場買了蛋糕回來,大家當時滿心歡喜,「日本加蛋糕喎,一定好食啦」,誰知Do姐指「個蛋糕難食到呢,甜到好難食,食咗半啖,已經同佢講唔好食,又無心,連咩都食嘅余迪偉都唔食,個綠茶蛋糕無綠茶味,好鬼甜,真係唔知咩嚟㗎呢D,有無搞錯」。蛋糕無人肯食,Do姐一心以為扔咗,誰知過了一星期後,打開自己櫃筒時即嚇親,指「嘩,一開櫃筒見到個難食蛋糕仲喺度,即係放咗喺度成個星期,即刻扔咗佢。余公子真係Top晒所有人,手信長期No.1,打個突呀我」。

手信
(圖片來源:TVB娛樂新聞台截圖)

圖片來源:Facebook@口水多過浪花、TVB娛樂新聞台截圖、小紅書、Unsplash@Michael Longmire、Unsplash@Lauren Mancke、IG@nikbentel、Unsplash@Eugenio Mazzone、新傳媒照片庫