早前日本的 Airbnb 廣告爆紅,網民大讚 Airbnb 房價比酒店平,又可認識屋主,體驗在地生活。但講到曼谷的Airbnb,HKD$700已經可以住到5星級酒店,又有專人打掃,有乜理由要慳先?所以 曼谷Airbnb 除咗價錢係賣點,最主要係 sell 特色裝修同好客!今次介紹的 曼谷Airbnb 在 BTS 沿線和河畔,記者實地試住,屋主個個好客健談,又肯做免費導遊帶客人周圍玩!厭倦酒店住宿?不妨一試 Airbnb,話唔定返唔到轉頭!(*以下房價未包括服務費和清潔費,亦會因日子和人數而有所調整)

Text:Elaine、Gloria | Photo: Him、Hai、Airbnb (原文刊於《新假期》週刊)

1) 獨立日式風格|Triple Two

房價:雙人房每晚 HKD$488(最少住2晚)

賣點:三層獨立屋位於Ari 住宅區,位置不及市中心酒店方便,但正正遠離商場區,環境寧靜。Triple Two 屋外有個小草坪,感覺好慢活,記者住完兩晚 hea 到唔願走!網上留言指屋主 Aui 和 Beau 是有求必應大好人,有乜要求都會盡量為你實現,想發掘在地美食佢哋會指點迷津!記者入住時更肯車埋去餐廳一齊食飯,仲熱情過親戚!以前嚟曼谷只識去遊客區打卡,今次有在地人帶路,住同食一樣咁有驚喜!(按此查詢)

 

 

2) 樓下嘆咖啡|Case Study Asoke

房價: 雙人房每晚 $320(最少住2晚;包每日早餐)
Case Study Asoke 樓高5層,共有13間房,其中3間作Airbnb,其餘是長租客。民宿特別在於地下有間靚裝café!磚牆木地板好好feel 之外,café 每日都有新鮮出爐的蛋糕,靚咖啡,入住期間更包早餐,有沙律、乳酪、烚蛋等,每晚只收$320咋!房間質素亦唔差:私人廁所、雪櫃、風筒等齊備,比一般hostel更好。Case Study Asoke 平得嚟又位處商業區,5分鐘便到地鐵站,加埋間呃like café,個package 無得輸!(按此查詢)

下一頁:Airbnb廣告都睇中,法國人設計超靚單位

3) 法式設計示範單位|Designer Loft

房價:雙人房每晚 $719(最少住2晚)
屋主 Thomas 的 Designer Loft,連 Airbnb 的廣告也看中這裡,水泥牆設計;放滿一室的掛畫,簡直示範單位一樣!Thomas本來做金融,他移居到曼谷已經五年,喜歡這邊沒有地鐵站:「這裡的租金比 Thonglor 平一大截,所以我買來翻新放租,順便安置我的藝術品。」但Thomas 坦言不想租給中國人,「中國人我要問好多問題才會考慮,他們不整潔。」不過他說香港人是例外喇!(按此查詢)

4) 土豪級享受|House of Grey

房價: 包幢每晚$8,069/6人( 第7位起每人每晚加收$480)
曼谷市中心原來隱藏著一間 Airbnb 超豪大宅!House of Grey 位於遊客區 The Emporium 附近,從BTS 站行10分鐘就到,樓高兩層,家具使用波蘭吊燈、巨型羊毛椅,屋內掛滿Beatles、夢露、柯德里夏萍等油畫,更有私人泳池,夜晚可一邊嬉水一邊歎杯wine,土豪級享受!大宅有5間雙人房,最多可容納10人,以整幢形式出租,豪宅本身是屋主屋企,同區內仲有9間別墅放長租,屋主出差時才放租,住客仲可以簡單吩咐家中女傭幫手㖭!(按此查詢)

超豪別墅!土豪們的選擇!
(*以上房價未包括服務費和清潔費,亦會因日子和人數而有所調整)

延伸閱讀:

血拼必讀 | 10 大必買 泰國手信 | KKday

泰國隱世麗貝島 | $143 浮潛一日團

泰國隱世絕景 | 媲美馬代、超清徹海水麗貝島