這個世界無奇不有,姆萬扎平頭飛龍蜥蜴一身紅藍色皮膚,似足蜘蛛俠!

爬蟲寵物店熱賣

大家好,我係姆萬扎平頭飛龍蜥蜴,有個好長0既雞腸名 Mwanza Flat Headed Agama lizard。我似唔似蜘蛛俠呢?唔好以為我俾人虐待,染到鬼五馬六,我身上0既膚色係天生架!絕對無山寨、二次創作,我問 Marvel 收版權費就真!

我來自非洲,平時鍾意同班巴打絲打吹吓水、飲杯茶食個包,顏色最 sharp 0既係我哋老大。我哋通常有 15 年壽命,不過自從蜘蛛俠出現後,我好多老死都俾人捉去炒賣,聽講賣到斷晒市。希望各位大哥大姐見到我哋時,唔好捉走我哋,我哋都要自由架!如果有人買咗我班兄弟姊妹,要好好愛護佢哋,唔好蜘蛛俠熱潮一退就遺棄我哋,我哋唔識喺大城市搵食架!