小記要去做間諜?非也非也。其實今次帶大家潛入俄羅斯地底,純粹是介乎現實與幻想的旅程,給準備出發去戰鬥民族的旅人參考一下。話說俄羅斯不少建築物外觀都靚到「嘩嘩嘩」,特別是紅場上的聖巴西爾大教堂,無論任何時候都會有人在附近不停影相,但大家又有無幻想過,其實聖巴西爾大教堂並非肉眼所見咁簡單呢?

俄羅斯一間廣告工作室Saatchi & Saatchi Russia發表一輯圖片,將俄羅斯三大建築物重新構思,聖巴西爾大教堂、莫斯科大劇院及俄羅斯國立大學的「地下版本」,絕對比原建築物更震撼!

即like GOtrip 專頁,睇盡最update旅遊資訊
http://on.fb.me/1EQoGN6

平時見到聖巴西爾大教堂,已經覺得是世上最靚建築之一,今次睇埋地下版本,果然無「痴心錯付」。

要憑空畫出如此壯觀的聖巴西爾大教堂,設計者要從概圖、配色、形態……一步一步入手,非常細心!

莫斯科大劇院的古羅馬建築風格,雄偉與雅典兼備,每日都會上演精彩的俄羅斯經典歌劇,如果地下有多幾層,相信一定吸引更多觀眾。

單單由設計圖就睇得出莫斯科大劇院有幾複雜,又樓梯又噴水池,無咁上下心思都做唔到!

俄羅斯國立大學是當地最大和歷史最悠久的著名學府,主樓的建築簡潔而壯觀,不少遊客都會專程到該地影相留念,日景、夜景都同樣迷人。

俄羅斯國立大學「地下版本」以直線條為主,配上每棟大樓的尖屋頂,與現實中的主樓襯到絕!