日圓匯率 已經升到「7算」啦！相信唔少人都同編輯一樣好懷念之前「6.3算」嘅日子。雖然話日圓就算去到「7算」都無阻香港人去日本嘅意欲，但所謂慳得一蚊得一蚊，所以睇實 日圓匯率 已經成為習慣！最近有銀行家建議短期內出發嘅朋友可以唔使咁急唱錢，唔通 日圓匯率 會跌？
幾時唱先啱？就等呢一日！
最近有專家指日本銀行（日銀）喺召開利率決策會議前後，會有好匯率，所以建議 5 月先出發嘅朋友，不妨再等一等！因為4月28日在日銀召開會議，市場預期討論寬鬆貨幣政策時，日圓有機會回貶休息，啫係 日圓匯率 有機會會跌！短期內會去日本玩嘅朋友，不妨等到4月28日日本銀行開完會再唱錢，反正都已經去到「7算」，等多陣都唔會影響太大。