話說，環遊世界相信都係大家的心底夢，問題從來是「無錢」！今次要介紹一個美國奇女子Shirine Taylor，她僅靠以下呢幾招，用 3 萬蚊港幣就完成了小資女環遊世界的創舉噜！嘩，學識佢，儲夠3萬蚊後，小編都要向世界出發啦！
第一招、用單車代步 慳晒交通費
正所謂「條條大路通羅馬」，沒有走不了的路。所以 Shirine 索性每日用大約 6 個鐘踩單車，盡力節省所有交通費用，能省則省嘛！而且累的時候可以隨時休息，又不怕有落錯車的問題發生。
第二招、每日用度有限制
嗱，窮遊重要的動作就是限制自己每日的花費，千祈唔好亂用錢！好似 Shirine 咁，她限制自已每日只可以用 6.5 英鎊(即約 76 港幣)，就連一開始的機票錢、三餐、單車維修費等都計著入內。
第三招、拎定帳篷 席地而睡
住宿都係旅程最大洗費，所以 Shirine 直接拎定帳篷，直接在郊外睡覺。如果遇到有河川，仲可以用河水洗衫、梳洗，方便又快捷。當然，如果不習慣露營的朋友，都可以揀去 Hostel 打工換宿，解決煩人的住宿費。
第四招、食麵包、麵食及當地食物
無錢時，小編都會食個麵包當一餐，做Backpacker都一樣，Shirine 就是靠食麵包、自己煮麵食，甚至是街上賣的小食度日，便宜又算飽肚。如果有本地家庭接濟就更Lucky了！
第五招、保持開朗心境 意志夠堅定
解決左硬件，自然仲有軟件部分，而窮遊的軟件便在於意志及心境！
要知道每日都要忍手不 Shopping、不亂用錢，又不能日日吃貴價美食，好容易人都癲，所以如果可以保持心境開朗、輕鬆幽默和堅毅的意志，自然就好似 Shirine 般笑到最後啦！
文：Kate