浸浴浴缸驚變「染血缸」 背後原因竟因選錯氣泡球
很多人都會準備浴鹽、氣泡球在Staycation時浸浴，而今次的事主都不例外，她指自己每次去staycation都好喜歡準備汽泡彈浸浴。而在事發當日，事主在浸浴後，竟然發現用完汽泡彈，除了將洗澡水變成粉紅色，更把酒店浴缸染成粉紅色！
事主用花灑沖洗浴缸後發現「洗唔甩」，之後「狂唧沐浴露開缸水浸一兩個鐘」，但酒店浴缸染仍然是粉紅色。所以事主就出了殺手鐧，半夜三更用牙擦沾點牙膏慢慢擦，再用水浸一晚，浴缸才回復正常。
事主指經過此事，已經被嚇怕：「我下次都唔敢再買啲咁鮮艷顏色嘅汽泡彈浸」。
不少網民得知事主的經歷後指：「你下一手住客好幸福呀，個沐缸好乾淨」、「好有公德心」、「去Staycation應該係Relax，但而家仲辛苦過唔去。不過我好欣賞你有公德心」。更有人話自己都試過：「我都試過，又係粉紅色既bomb。成晚無覺好瞓，不停用盡方法洗浴缸。結果第日仲攰過未去Staycation之前」、「我試過買藍色，好可怕。個身都藍色，毛巾又藍色」。
最後網友建議事主下次可以使用浴缸套或浴鹽等：「有啲即棄旅行浴缸套」、「點解樓主唔用浴袋」、「仲辛苦過喺屋企，下次準備埋浴缸套啦」、「買一包包嘅浴鹽」。
