談起韓國旅行,行程定必要包括購物這個環節,畢竟首爾絕對是女生的購物天堂,不單有數之不盡的藥妝店,還可以盡情掃超多平價韓裝。如果去首爾只可以去一個地方掃貨,「梨大」定必是首選,今次編輯部親自去到梨大精選 2018 年最新平衫 + 藥妝,今個暑假去首爾就可以跟住嚟買。

撰文、攝影:Kassidy

韓國購物.韓妹人氣 shopping 區

首爾最多旅客跟本地人的女大購物區,非梨大莫屬,即使是平日都人頭湧湧,周末的話,更是有超多韓妹來這邊掃貨!如果只圍著梨大區而行,15分鐘就行完,可見平衫跟藥妝都非常集中,如果只得一日掃貨,梨大絕對是好選擇。

首爾平衫.梨大韓裝一條街

要買梨大的平價韓衫,行一條街就已經足夠,因為由街頭到街尾都係平價韓裝店舖,有超過20間可以慢慢行,無論是男裝還是女裝都有得買。

約$36起!2018 年夏季新款

今年韓國最當紅的款式,定必是絲質碎花上衣,但如果冇足夠顏值,著起嚟只會似著阿婆舊衫。另一款出現次數最多的款式就是麻色系列,比起碎花款更受歡迎,穿起來成熟又不顯老,最平約$36可以買到今年最新款韓衣!

韓衣01|露肩格仔上衣 ₩10,000/約HK$73

韓衣02|直間連身裙 ₩10,000/約HK$73

韓衣03|長款薄外套 ₩10,000/約HK$73

韓衣04|白色寬鬆上衣 ₩5,000/約HK$36

韓衣05|多色口袋上衣 ₩5,000/約HK$36

買平衫注意:睇清標籤先入手

雖然記者每年都會去梨大入兩、三次貨,以前平衫即使著上一、兩年都能夠繼續著,但發現今年平衫質素有下降。有部分平衫的名牌有寫著簡體字,摸上手也跟「淘寶貨」非常相似,所以買之前,謹記睇清楚兼摸清楚先入手,即使只是幾十蚊,著兩、三次變形都不化算。

韓國藥妝.兩大必去藥妝店

韓國藥妝連鎖品牌有3大個:Olive Young、lalavla 跟 LOHBs,梨大區就有其中兩個品牌,而且兩間都非常齊貨,要買到心頭好非常簡單。

最墟冚.Olive Young

Olive Young 定必是韓國最人氣的藥妝店,也是最多旅客熟知的品牌。裡頭的藥妝也是極具人氣,不單有韓國本土品牌,甚至日本、歐美都能找得到。只數梨大這個區域,一條街已經有2間 Olive Young,可見人氣程度絕對是冠絕三大品牌。

2018 必買韓國藥妝 01|CNP 防曬

CNP Laboratory 是韓國的專業美容品牌,推出的防曬也自然有保證,只數防曬都已經有5款,有防曬乳、防曬棒,不過價格就偏貴。

2018 必買韓國藥妝 02|Bioderma 1+1 套裝

Olive Young 一做特價的話,優惠定必平絕全韓國,連呢支好少做特價嘅 Bioderma 化妝水都做特價。除番開一支都唔使 HK$140,喺香港除了在水貨店,都不會找到這個價錢啊!

2018 必買韓國藥妝 03|lilybyred 唇膏

lilybyred 是韓國今年其中一個冒起的品牌,剩係一款唇膏都有十幾種顏色,只是 約HK$60 就買到一支,連胭脂的設計都非常有型,全部幾十蚊就帶到返屋企。

2018 必買韓國藥妝 04|UNIX 電髮棒

UNIX 電髮棒已經不是第一次介紹,而且粉色系的電髮棒真是令人少女心爆發!直髮夾、曲髮夾都有,size 也只不過一隻手掌般大,帶去旅行非常方便。

2018 必買韓國藥妝 05|香蕉牛奶沐浴露、乳液

去韓國必飲的香蕉牛奶推出沐浴露、乳液版本,連帶士多啤梨跟蜜瓜味都有份。不過唔同味道都有唔同功效,唔好因為外表同味道就買款唔適合自己的。

屈臣氏改名.lalavla

屈臣氏在旅客群中的人氣比 Olive Young 輸得多,但其實裡面的貨品比起 Olive Young 有更多種類,仲要一般比起 Olive Young 少人得多,行都行得舒服啲!改名後聽落更年輕,用色也換上粉色系,希望吸引更多客人。

2018 必買韓國藥妝 06|SIXTEEN 兩色眼影

今期最流行一定是 SIXTEEN 兩色眼影,Olive Young 賣到斷晒貨,lalavla 就仲有大把貨!一共有4個款式,80蚊買到2色眼影,抵!

2018 必買韓國藥妝 07|BT21 面膜

如果是喜歡 BTS 的粉絲,對 BT21 一定不會陌生,皆因它們都是 BTS 親手設計的公仔!而這款公仔除了可以在 Line Friends Store 買到以外,在藥妝店都能找到它們的蹤影,面膜一盒有貼紙、明信片,做手信一流。

2018 必買韓國藥妝 08|Mamonade 防曬棒

今年韓國吹起了一陣防曬啫喱棒的風氣,因為不需用手塗上臉就可以有防曬效果,唔使用雙手直接接觸塊臉,乾淨得多!Mamonade 的防曬棒價錢暫時是時下最平,香港已經踏入夏天,防曬一定是必備。

2018 必買韓國藥妝 09|Dr Packer 面膜

一攞上手就 feel 到裡面有超多精華,多到敷完都可以用來塗手塗腳!最多人買的,定必是藍色的水分補充版本,特價只賣 約$15 一塊。

2018 必買韓國藥妝 10|Feel So Good 去角質化妝棉

出得最多去角質化妝棉的地方一定是韓國,而 Feel So Good 這個品牌就只能在 lalavla 找到,用完皮膚會變得更具光澤,也令毛孔更清潔。

相關閱讀:【韓國旅遊】首爾自由行9大實用apps|翻譯、中文地圖、交通、匯率

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境韓國前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介