撰文：Yuen｜資料授權：花旗空姐血淚史
花旗空姐香港遇上Staycation乞人憎住客
花旗空姐都是從事服務行業，相信最近許多酒店業職員都同樣做到叫苦連天，亦相信有一班無事生非的乞人憎住客，總喜愛貪小便宜及愛投訴，表現一向出眾。究竟她口中的3大乞人憎住客擁有邊3種特徵呢？
Staycation乞人憎住客1：喜愛集體屈蛇
早前她入住香港酒店Staycation，發現check-in超級多人，很多都是一班後生仔女在嘻嘻哈哈，不像在隔離。而當攞完房卡上房時，剛巧被安排住進尾房，要經過九曲十三彎嘅走廊先到。沿途經過房間，基本上門口都有一大堆垃圾，而且房內聲浪非常之大，嘈到以為去了年宵一樣。憑房內傳出的喧鬧聲音，估計一間雙人房至少有7-8或更多人在屈蛇。
她指出這班人不像商務旅客、遊客，而是一屋十多人（或者更多）個個攞成打啤酒、紅酒、壽司、魚生、生蠔、薯片上房，爭在「有冇喺入面打邊爐」！（不過編輯提醒大家不要打邊爐咁傻，因為會觸動到自動灑水器！）「限聚令」搞到天怒人怨，連party room都冇，當然要有理冇理盡情發洩，報復式吃喝反轉間房啦！
延伸閱讀：港女KOL半島酒店Staycation事件遭衛生署重視 衛生署署長稱將要求酒店加強防疫措施
Staycation乞人憎住客2：自認為酒店救世主 有錢大晒
「港蝗」的特徵就是「有錢就是任性」，財大氣粗，畀了幾千蚊就以為可做一天大爺！
-咩呀，我有畀錢租房㗎！唔係我嚟打救你哋酒店業，你哋仲失緊業呀！
-我哋唔嚟玩，間房都係丟空㗎啦！
-邊有房係checkout乾淨過check-in㗎？
-個垃圾桶咁細，冇位掉外賣盒、酒樽，擺喺枱面、地下或房門口都好合理啫！
-冇客人住又怨市道差，有客人住又嫌人整污糟！
花旗空姐表示，雖然未曾做過酒店，這一刻亦冇朋友做酒店，以前她有朋友做過，但太辛苦喊住劈炮頭也不回唔撈。不過，她深信一定有班人認為有錢就大晒，幫襯酒店等於施捨，房租包了員工要受氣及額外清潔工作。
延伸閱讀：KOL帶刺蝟去Staycation嚇親住客 霸氣英文反擊:我俾錢住唔需要睇酒店政策
Staycation乞人憎住客3：投訴投訴投訴投訴投訴
以前編輯做樂園職員，最常聽到的話：「你叫咩名，我要投訴你。」雖然已經聽到見怪不怪，不過總有一班人愛以投訴靠嚇，投訴有理固之然可接受，遇到無理投訴真係喊出聲！花旗空姐指出，「港蝗」本地客可能會因為遲5分鐘checkout，house keeping上來拍門而投訴，及自助早餐冇絲襪奶茶，而沒完沒了地投訴，直到斟茶下跪兼登報認錯為止！
如何不變成一個乞人憎住客？
雖然酒店錢有包服務費，不過都可以做一名好住客。花旗空姐指，自己在航空界打滾多年，成日要周圍瞓，自己出國旅行又貪平，幾cheap幾肉酸的hostel、賓館都住過。但都習慣checkout前執番好酒店房物件，包好垃圾，摺好床鋪。一來她本人喜歡整齊，亦不想執房的人一入來會炒蝦拆蝦；二來臨走前執拾好，便會整間房間一目了然。
有時甚至會放少少錢在床頭，寫句thank you打賞給服務員㗎！人哋係有薪水，不過做多少少，令人哋做得開心，何樂而不為呢？