日前,有網友發文開名炮轟灣仔一間被譽為神級的Omakase餐廳。事主發文表示早於5個月前訂座,因瘟疫一改再改,當日帶著期待的心情準時到達,在餐廳廁所門口等了45分鐘仍未被安排入座,經理雖曾以送香檳致歉,但其差劣的服務態度連環焫著事主,事主當晚最後一肚氣取消訂位,改去茶餐廳「醫肚」,獲體貼服務。日本餐廳被炮轟後,隨即向事主道歉跪底,事主接受道歉卻決定謝絕餐廳的免費晚餐,網民對於上、下集均議論紛紛,花生滿地。

相關文章:灣仔Omakase續集|已入場客人分享經歷近距離「貧富宴」 等足1小時原因曝光

5個月前訂座每位$3,000 Omakase  廁所門外侯45分鐘 

事主於「香港 Omakase おまかせ 關注組」發長文炮轟位於灣仔一家被譽為神級日本料理Omakase的餐廳,他們兩位早於5個月前訂座每位$3,000另加一服務費的Omakase。事主與友人於第2輪8時晚市前5分鐘到達現場,唯女侍應禮貌地表示因為空運食材遲了抵達,所以要多等候一會,於是二人在餐廳入口的廁所門外狹小的空間等候入座。

在事主繼續等候期間,經理曾指為表歉意,會送一支香檳予事主,可惜當晚事主駕駛外出,但他仍禮貌地回謝;然而,事主一等再等至8時40分,事主按捺不住再度追問入座安排,卻被經理不可一世的回應連環焫著。

Omakase 事主等了45分鐘仍未安排入座,覺得餐廳安排很有問題
事主等了45分鐘仍未安排入座,覺得餐廳安排很有問題(圖片來源:公視《我們與惡的距離》截圖)

Omakase經理:送你免費一餐但冇期至12月底

事主因為等候時間太長,欲更改Booking。經理最初以「送香檳、可帶走飲」擋駕,後來剛好在8時45分有客人離開,經理指現在可為事主安排入座,並表示:「都知道你哋好唔開心,如果你哋入去食,而家都可以安排到座位,但真係取消嘅話,公司免費請你哋一次嚟食飯。不過而家暫時冇期至12月底,但2023年我哋未開booking!」事主隨即憤怒地回答:「得!你同我取消咗今晚個booking佢,呢刻就算你安排我入座我都食唔落(一肚氣,唔想委屈自己)你出電郵俾個確實日子我2023年邊一日,早到嘅你話俾我知!」。

Omakase 經理態度惡劣
經理態度惡劣(圖片來源:MBC《咖啡王子一號店》截圖)

Omakase經理:怕日本師傅不高興

當事主二人打算離開,經理卻再問:「要唔要日本師傅出嚟?」事主指:「唔使,我話都未必關日本師傅事,是樓面嘅態度同安排嘅問題。」經理竟然回應:「我驚日本師傅唔開心喎!少咗兩個人。」事主無名起火問:「係咪要我向佢道歉?」經理嘗試補救:「唔係,我意思係若果你哋走咗日本人冇機會道歉的話,佢會唔開心。」事主即場拒絕後,頭也不回地離開餐廳。

Omakase 經理怕日本師傅因客人缺席不快
示意圖。經理怕日本師傅因客人缺席不快(圖片來源:unsplash@rodlong)

茶餐廳「醫肚」 服務周到

當晚,事主二人帶著一肚子氣到附近茶餐廳「醫肚」,人均$90卻獲得貼心服務,男女份量自動相應調節、全單9折、侍應極有禮貌等等,令事主不禁大嘆:「百零蚊晚市嘅生意都咁好服務態度,反觀所謂「神店」,$3,000幾一位好似要去乞食咁。希望香港人唔好俾人睇死,攞啲骨氣出嚟,令呢啲既所謂「神店」唔好覺得自己不可一世,香港仲有好多有心嘅餐廳等緊我哋去支持!」

Omakase 事主當晚去茶餐廳「醫肚」,服務周到
示意圖。事主當晚去茶餐廳「醫肚」,服務周到(圖片來源:YouTube@Jason)

灣仔Omakase跪底送免費晚餐

事後,事主再分享後續發展,表示在兩日後他們收到一個措辭恰當的電郵,內容主要是為當日的事件致歉,並承諾可以退款及提供免費晚餐等,但事主坦言如當日經理有此恰當的服務質素,事情發展不至如此。最後,事主表示只需要「尊重及誠意」,回覆餐廳電郵表示已經獲得餐廳的真誠道歉,亦為免給予他人「佔便宜」、「麻煩客」的印象,他們決定拒絕出席免費用膳的邀請。

Omakase 餐廳道歉後,事主回覆
餐廳道歉後,事主回覆(圖片來源:香港 Omakase おまかせ 關注組)

Omakase 餐廳道歉後,事主回覆
餐廳道歉後,事主回覆(圖片來源:香港 Omakase おまかせ 關注組)

網民:可以慳返唔使幫襯

帖文一出,在網上即引起網民熱烈討論,大多認為事主處理得宜、「高質」,又指高級餐廳要客人等45分鐘是完成不可接受的事,網民可能等15分鐘已要求退款,又怒罵經理的處理失當,令人覺得「我會補償比你,你夠長命咪等下囉」。另有網民吐槽餐廳「你等位期間客人狂去廁所,可能食材唔新鮮,你冇食到已經好彩」,而且又指發生同類情況的原因,很可能是餐廳老闆作為富人,本意為招呼自己的客人、朋友,「每月日子有black out day,平日就被外人訂位,養住啲師傅,所以個場搞到點無人理」。

Omakase 事主「希望香港人唔好俾人睇死」,以免令神級店不可一世
事主「希望香港人唔好俾人睇死」,以免令神級店不可一世(圖片來源:tvN《孤單又燦爛的神 – 鬼怪》截圖)

為何神級Omakase遲遲未能安排客人入座?

事主與友人於第2輪8時晚市前5分鐘到達現場,唯女侍應禮貌地表示因為…詳情請看

對於遲遲未能入座,經理如何安撫客人的情緒?

事主因為等候時間太長,欲更改Booking。經理最初以「送香檳、可帶走飲」擋駕,後來…詳情請看

Tags :
圖片來源:香港 Omakase おまかせ 關注組、電影《全城熱戀》截圖、tvN《孤單又燦爛的神 - 鬼怪》截圖、公視《我們與惡的距離》截圖、YouTube@Jason、unsplash@rodlong、MBC《咖啡王子一號店》截圖