香港潮語2023丨香港潮語可謂是時下年輕人必不可少的溝通方式, 如果你還未跟上就實在是太過時太out了!就連MIRROR Jer(柳應廷)有首歌都叫「MM7」!就讓GOtrip編輯帶你跟上潮流的步伐,為你拆解如外星文如「mm7」、「siu4」、「sls」等潮語吧!

香港潮語2023|8,90後潮語00後睇唔明,相對地00後潮語你又識幾多?近年受網絡潮語所影響,一些新潮對白,例如:「走先啦、係咁先啦、下次再玩啦!」都演變成呢個年代嘅潮語,但其實仲有好多連小編都唔明嘅經典潮語,張中和、MNYY、世一、MM7、siu4、好99大家又識唔識係點解?想知就快啲睇下以下「香港潮語」!

35大香港潮語字典2023|張中和/MNYY/世一 意思出處你識幾多?

香港潮語2023丨35. 張中和

「張中」出自於普通話,為「尊重」的譜音,加入港式口音後變成「張中」;又有很多人會將「尊重我」講成諧音「張中和」。

香港潮語2023丨34. MNYY

「MNYY」即「Must Need 要有」,意思是「必須要這樣做」。

香港潮語2023丨33. 白卡

「白卡」原本是指殘疾人士登記證,後來被網民用作嘲諷行為怪異的人為「白卡」,亦即「痴線佬」的意思。

香港潮語2023丨32. 好99

源自Telegram,意思為「好Cute Cute」、「好QQ」。因為英文字母「Q」跟數字「9」寫法相近,唔少人就以「好99」表達可愛。

香港潮語2023丨31. Sodiasm

Sodiasm其實就是「掃地啊嬸」,取其諧音So.di.a.sm

 20大香港潮語|世一/係咁先啦/好99 意思出處你又識幾多?
Sodiasm其實就是「掃地啊嬸」。(圖片來源:《愛回家之開心速遞》劇照)

香港潮語2023丨30. siu4

意即「笑死」,取自粵語諧音。

 20大香港潮語|世一/係咁先啦/好99 意思出處你又識幾多?
(圖片來源:TVB)

香港潮語2023丨29. GG

GG有「出事」、「瀨嘢」、「大鑊」的意思。例子:「今次考試GG左。」就係「今次考試衰咗」嘅意思。

 20大香港潮語|世一/係咁先啦/好99 意思出處你又識幾多?
「今次GG了」就是「今次大鑊了」的意思。(圖片來源:電影《逃學威龍》劇照)

香港潮語2023丨28. sls

源自粵語縮寫,意思為「笑L死」。

香港潮語2023丨27. Fat Fat La

Fat其實是廣東話「發」的譯音。具有「發達喇」的意思。Fat的另一個意義層面就是英文的「肥」,因此Fat Fat La亦有「肥過肥仔水」的意思。

 20大香港潮語|世一/係咁先啦/好99 意思出處你又識幾多?
例子:「老細加我人工,今次Fat Fat La!」(圖片來源:大麻成What‘s App Sticker)

香港潮語2023丨26.NMSL

中國內地傳入的網絡罵人用語,正是普通話「你媽死了」的諧音,唔少內地人經常使用的網絡攻擊用語。

 20大香港潮語|世一/係咁先啦/好99 意思出處你又識幾多?
(圖片來源:twitter)

香港潮語2023丨25. FAM J

「Fam J」全寫係「Famous jj」 泛指在網絡上面很出名,有很多Fans的人,意思和KOL相似,即網絡名人。

 20大香港潮語|世一/係咁先啦/好99 意思出處你又識幾多?
就算不是明星、KOL、單純是IG很多Follower 的人都可以算是Fam j(圖片來源:IG@pimtha截圖)

香港潮語2023丨24. Respect

意即解作「尊重」,用於表達向人稱讚、佩服之用,亦用作向人不懂尊重某些人事物時提出的說話。

香港潮語2023丨23. JM9

JM9係粗俗版的「做乜啫」嘅縮寫,如果人地做左啲你覺得荒謬,或者令你反白眼的行為嘅時候,你就可以用呢句黎回應佢,抒發情緒。

香港潮語2023丨22. MM7

意思為「正」,源自速成輸入法組成的「正」字的輸入碼。事源人氣男子組合Mirror成員柳應廷(阿Jer)開演唱會時,其歌迷在留言區留下「MM7」,後來阿Jer表示因為歌迷想打字快一點,直接用MM7代表讚賞別人「正」。

 20大香港潮語|世一/係咁先啦/好99 意思出處你又識幾多?
(圖片來源:Jer IG)

香港潮語2023丨21. UM9

UM9又是讀音的縮寫,意思是粗俗版的「Up乜啫」,就是聽到別人荒誕的說話時,或聽不懂對方說什麼時表達「唔知你講緊乜。」嘅意思。

 20大香港潮語|世一/係咁先啦/好99 意思出處你又識幾多?
黑人問號心裡面嘅對白可能就係「Up乜9」。(圖片來源:YouTube@Cassy Athena)

香港潮語2023丨20. SIMP

英文字「Simpleton」的縮寫,本身指「頭腦簡單的人」,現泛指「觀音兵」。

香港潮語2023丨19. LMK

「LMK」是「Let Me Know」的縮寫。

香港潮語2023丨18. FML

「FML」是「Fxxk My Life」的縮寫,多用於表達令人絕望的煩惱,或者在遇到黑仔事時用來表達心情。外國有一個讓人敘述倒楣短編故事的博客網站,FMyLife,裡面的post全部都以「Today」開頭「FML」作結尾。

香港潮語2023丨17. MSW

MSW是「冇所謂」這三個字的第一個粵音縮寫。

香港潮語2023丨16. 世一

「世界第一」的縮寫,意即「全世界中你是最好的」,因ViuTV《Error自肥企画》而爆紅。

 20大香港潮語|世一/係咁先啦/好99 意思出處你又識幾多?
(圖片來源:ViuTV)

香港潮語2023丨15. TKFT

TKFT 比較長出現在Instagram,是「Thank You For Tag」的縮寫。

香港潮語2023丨14. OJ

同「OK」,因為鍵盤中「J」跟「K」兩字相近,所以經常有人將「OK」打錯「OJ」,現時不少人直接打成「OJ」。

香港潮語2023丨13. 脫單

脫單是「脫離單身」的簡稱,即指擺脫單身、告別單身的意思,一般用於祝福大家成功出pool!

 20大香港潮語|世一/係咁先啦/好99 意思出處你又識幾多?
田田就成功脫單,與阿牧在一起!(圖片來源:《大叔的愛》劇照)


香港潮語2023丨12. 打你咩

源自人氣男子組合Error成員Dee哥口頭禪,Dee哥在節目中為表達出自己憤怒,但又不能講粗口。於是以「打」字去代替廣東話粗口發音。

 20大香港潮語|世一/係咁先啦/好99 意思出處你又識幾多?
(圖片來源:ViuTV)


香港潮語2023丨11. 走先啦、係咁先啦、下次再玩啦!

Youtube頻道「試當真」新歌《係咁先啦》近期人氣爆燈,唔少人喺跟朋友告別、離開公司時,都會以特別節奏唱出「走先喇、係咁先啦、下次再玩啦!」。

 20大香港潮語|世一/係咁先啦/好99 意思出處你又識幾多?
(圖片來源:試當真)

香港潮語2023丨10.永遠懷疑哥哥

已故男歌手「哥哥」張國榮逝世18周年那天,不少藝人都發文悼念,當中TVB女藝人莊思敏於IG出 Post將「永遠懷念哥哥」打錯成「永遠懷疑哥哥」。

 20大香港潮語|世一/係咁先啦/好99 意思出處你又識幾多?
(圖片來源:莊思敏 IG)

香港潮語2023丨9. 知我咩料啦

源自Error成員193口頭禪,及後不少藝人、港人模仿變成潮語之一。

 20大香港潮語|世一/係咁先啦/好99 意思出處你又識幾多?
(圖片來源:193 IG)

香港潮語2023丨8. 幫緊你幫緊你

源起自電影《保持通話》,不過因「的士司機遇上醉酒港女」一事而大紅。當知道對方急需幫助,但沒有意思想盡快解決,就以「幫緊你」先敷衍對方。

 20大香港潮語|世一/係咁先啦/好99 意思出處你又識幾多?
(圖片來源:TVB)

香港潮語2023丨7. 前夫

源自Facebook群組「我老婆嫁咗比Mirror導致婚姻破裂關注組」,因香港人氣男子組合MIRROR太受歡迎,獲不少女鏡粉支持,令一眾鏡粉老公、男友瞬間變成「前度」。

 20大香港潮語|世一/係咁先啦/好99 意思出處你又識幾多?
(圖片來源:ViuTV)

香港潮語2023丨6. 自肥

意指以不正當手段自己圖利,因ViuTV《ERROR自肥企画》中「自肥可恥但很有用」,令「自肥」一詞爆紅。

 20大香港潮語|世一/係咁先啦/好99 意思出處你又識幾多?
(圖片來源:ViuTV)

香港潮語2023丨5. R.A.P.

源起網絡紅人Matt Leung,有日他將「R.I.P」打成「R.A.P」,被引伸出「抵死」意思,成為新一代網絡潮語。

 20大香港潮語|世一/係咁先啦/好99 意思出處你又識幾多?
(圖片來源:Matt Leung)

香港潮語2023丨4. 見字飲水

源自Facebook群組「見字飲水協會」,用來提醒身邊的人見到此訊息就要多飲水,之後亦延伸出不同「見字XX」系列。

香港潮語2023丨3. 阿姨我不想努力了

意即「求包養」,源起中國內地不時流傳富婆徵求年輕男友,之後成為不少男性笑指自己甘願用肉體來換取不用工作而富足生活。

香港潮語2023丨2. 壞過凱婷

源自高登舊文,一名初中女生跟另一女生「鬥壞」指對方不能稱做「壞學生」,皆因自己壞過「凱婷」,更能連續食兩枝煙。

香港潮語2023丨1. 0尊

0尊這個潮語亦是經常出現在討論區上,0尊是

  • 零尊重縮寫
  • 以數目字0形容其程度表示0尊重

據網民討論, 據指0尊來源自Youtube頻道「JFFT」,頻道內幾位Youtuber常使用,其後廣泛流傳到討論平台。


「mm7」是甚麼意思?

經常使用速成輸入法的你怎可能不知道「mm7」的意思?mm7就是「正」字的速成碼。而本港男子組合MIRROR成員柳應廷(阿Jer)的歌迷(柳柳粉/柳炒)於開演唱會時… 更多潮語解釋

14個潮語當中包括哪些?

文中所提及的潮語包括:「世一」、「cls」、「mm7」、「siu4」、「SIMP」等多個新世代潮語。更多潮語解釋

圖片來源:unsplash@Dave Moreno、unsplash@Aziz Acharki、unsplash@Icons8 Team、unsplash@Tobias、YouTube@MIRROR、Instagram@deniskwok193、Instagram@cheungkalonggggg、Instagram@jacquelinchng、Facebook@我老婆嫁咗比Mirror導致婚姻破裂關注組、ViuTV、tvb.com