情侶到九龍區酒店Staycation 突有陌生男闖入房撞正只穿內衣女朋友
Staycation的話題可謂「每日新鮮」，早前曾有港男在討論區「嬲爆」分享，指與女朋友到九龍區某酒店Staycation，原本心情大好，但卻被一人破壞氣氛！他指，當時女朋友身上只穿上內衣，而自己因肚子不適而在廁所「方便」。期間突然聽到開門聲，再看到一名陌生男人無故直接闖入房間，撞正僅身穿內衣的女朋友，「就咁就畀條友無啦啦睇蝕晒」！
港男指當時「嬲到爆炸」，揚言要投訴酒店，誰知被看光光的女朋友阻止，解釋「唔想搞大件事」、「佢當時有著內衣」、「自己唔mind，又冇走光，唔想破壞心情」，而男朋友在這情況下只好聽命，但仍一肚氣無處發洩！
港男在網上指，認為自己女朋友的處理方法「有啲唔啱」，稱「畀陌生人睇到咁多肉體，唔明點解佢咁easy going」，遇到闖門事件應該據理力爭，向酒店投訴而非啞忍。
網民：你當時唔出聲鬧個男人先係最錯！
網民得悉後有好多意見，話「你地自己唔鎖門咁戇X」、「唔係有心，又有著內衣褲，都唔係太乜嘢啦」，有網民就認為事主女友只是顧全大局，「費事去投訴人哋，節外生枝影響你哋嘅快樂旅程」。亦有網民指男朋友大為不是，「保護女友同屋企人安全係男人責任，入屋唔鎖門佢要負全責」、「成件事好詭異，係咪識㗎」、「其實你自己當時唔出聲唔鬧條友都已經錯，仲可以怪邊個」、「咁你就應該堅持去投訴啦」。亦有好多網民熱烈討論入住酒店應否鎖門，事主就認為就算不上鎖，其他人都不應該擁有入房權限，認為酒店應該對闖門問題負上全責。亦有網民認為有部分酒店房門好容易出問題，應該養成鎖門習慣，「一來可以防止意外，二來感覺上安全」。