男生向拍拖6年女朋友求婚遭拒 女方：你家族生意嘅行業太低等！
拍拖和結婚屬兩回事，這句說話都聽過不少，每逢談到婚姻，不少現實問題都會浮現出來，即使一直相安無事，或許最後都會因為金錢而決裂。早前有名拍拖6年的男網民在網上大呻，指自己向拍拖六年的女朋友拿出求婚戒指求婚，但竟被對方拒絕。事源二人大學時認識，拍拖至今已經六年，由於男方父母開了一間專賣餃子專門店，生意非常穩定，家庭環境相當不俗，更一早「上車」。而大學時期男方已有私家車代步，為了避免女方要「逼巴士」因而經常開私家車接載她，而對方亦會感到優越感，更曾表示自己日後可以當老闆娘感到高興。
但後來大家大學畢業後，女朋友即有心態上的轉變。他指以往女朋友已知他日後會接手家族生意，繼續經營餃子店，但由於她看到工作過程後則開始生厭。「我每日都會喺廚房流汗工作，佢見到就開始嫌棄，仲拎我同佢個Friend比較，話人哋男朋友係汽車經紀，日日都著西裝返工，靚靚仔仔咁」，更指好朋友接男朋友下班時都會分享合照，令人羨慕。
年薪300萬都被嫌棄：原來佢一直都覺得無面
他續指，自問自己收入不會比汽車經紀差，對方亦未讀過大學，談吐有江湖味。「我份工唔使著到好靚，但扣除成本一個月都淨賺8萬台幣（約港幣2萬），高峰時期可以有30幾萬台幣（約港幣7萬），每年收入都有300萬台幣（約港幣73萬），我唔覺得有咩咁失禮」。另外，他亦指自己有能力可置業，因而想與女朋友組織家庭，但想不到女朋友原來一直在身邊嫌棄自己，因「覺得無面」而拒絕求婚。不過他仍希望對方可以回心轉意，但女方還是要分手收場。
網民：女生都係短視嘅人！
帖文一出後，不少網友把重點放在「閨蜜男朋友」身上，指「神奇在個女仔羨慕閨蜜男友係汽車⋯⋯經紀？仲以為係車行老闆，真係咁都好羨慕，分手都唔可惜」、「其實佢係咪鍾意咗人哋男朋友，趁機扮嘢分手」；亦有人指女方太短視，指「咩都淨係睇眼前，你接手咗間舖就會用另一個方法經營㗎啦，請人返嚟睇舖，自己做總經理，仲使咩自己落手，到時一間舖變幾間舖，你睇吓佢返唔返嚟求你」。
結婚前看清一個人應該高興
而網民都指「呢個世界太把盛女，驚咩？」，更指男方應感到好運，趁早看清對方為人已經算贏，「「認識6年時間，應該清楚女人為人，她的一舉一動，談吐，是否拜金主意，不過好在她佢絶，如果娶到呢種女人，一定家嘈屋閉，分手啦，可能會識了一個比她好好多」、「管理處D保安都著西裝！ 你唔嫁個保安」、「使唔使喊呀應該要笑， 開香檳」。