【潮流】一踏入秋冬,不但衣櫃會換上厚厚的毛衣, 而飾物上一定會加上一頂針織貝雷帽,令到整體造型感大增。而貝雷帽同時都是一個百搭、混風格的好法寶,不論是長、中、短頭髮都Carry到!

貝雷帽3種髮型長度+不同穿搭造型

1|Bob頭

短髮bob頭同貝雷帽相性最好。但因為bob頭嘅頭髮長度較短,要編髮嘅話,較為有難度。不過,只要將髮尾往內捲一圈,再戴上貝雷帽,就能營造girlish印象,比較頭髮比較長的話亦有可愛的感覺。

貝雷帽穿搭 甜美風
甜美風(圖片來源:IG@mina0728_akb48teamtp1)

短髮 x 貝雷帽 x 工裝

貝雷帽不單止可以走可愛甜美風,如果選擇其他材質的話可以營造型格的感覺,譬如牛仔布料的貝雷帽配上有工裝,輕鬆走出中性路線。

貝雷帽穿搭 貝雷帽中性路線又得
貝雷帽行中性路線又得(圖片來源:IG@goyoung_vintage )

貝雷帽穿搭 男仔戴一樣咁好睇
男仔戴一樣咁好睇(圖片來源:IG@goyoung_vintage)

貝雷帽 x 眉上劉海bob頭:以衣服穿搭為重點

眉上劉海同貝雷帽非常合襯!戴上帽後,能將劉海固定,防止劉海吹散。

戴帽小技巧:首先喺頭嘅前方放上帽,固定位置。然後邊壓住前髮,邊將帽嘅另一端拉到後腦,呢個戴法可以將前髮漂亮固定住。

貝雷帽穿搭 チョコビ@ZOZOTOWN
チョコビ@ZOZOTOWN

貝雷帽 x 單辮:成熟風束髮

將前髮收進帽內,其餘頭髮梳到後腦位置束成1條辮,打造清爽造型。但將所有頭髮緊緊束成辮,則會感覺太硬朗。用手指將頭髮逐少抽出,營造鬆垮感可令整體感覺更溫柔。

臉嘅兩側、貝雷帽下見到少許髮絲係造型重點!可以增添可愛感。而貝雷帽嘅戴法,則推薦戴深啲。

貝雷帽穿搭 陽@WEAR
陽@WEAR

貝雷帽 x 內捲bob頭:造型更富女人味

將前髮露出嘅內捲bob頭,適合鬆啲嘅戴法。而bob頭最大好處就係唔需要過多嘅setting,就可以將貝雷帽戴得好好睇。兩側頭髮繑耳可令整體感覺更加清爽。

貝雷帽穿搭 ちょこび@WEAR
ちょこび@WEAR

貝雷帽 x 曲髮:適合鮮色服裝配搭打造個性感

色彩繽紛嘅穿搭,再加上電成曲髮嘅bob頭,適合土黃色嘅貝雷帽。

捲至蓬鬆嘅曲髮bob頭富有分量感,而貝雷帽就剛好可以作出平衡,減輕頭髮嘅分量感,令整體感覺更舒服。另一方面,將前髮藏起嘅戴法都非常合襯。

貝雷帽穿搭 麻絵@WEAR
麻絵@WEAR

貝雷帽 x 短髮bob頭:可愛感倍增!

啡色髮色嘅短髮bob頭,同土黃色貝雷帽相當合襯。想增添可愛感嘅話,建議戴淺啲,唔好遮蓋前髮。

髮型唔需要太過花俏,將一邊頭髮掛耳便已足夠,僅僅係咁已經可以提高可愛感。佩戴吊飾較大嘅耳環或長耳環,可令整體配搭更添可愛感。

貝雷帽穿搭 maamin♡@WEAR
maamin♡@WEAR

貝雷帽 x 外捲:中性冷酷風

如果想將前髮收起,則適合戴深啲。髮型方面,只需將髮尾往外捲,就可以輕鬆打造潮流感。如果有時前髮「唔聽話」,又或者早上時間緊迫,冇時間set頭,可以試下呢個造型!

貝雷帽穿搭 MARIKO@ZOZOTOWN
MARIKO@ZOZOTOWN

滾邊貝雷帽 x 短髮 = 混搭好幫手

有滾邊設計嘅貝雷帽款,推薦輕輕放上頭般嘅戴法。帽子稍微往後傾斜,望起嚟會更有可愛感。除此以外,特別材質的滾邊貝雷帽亦可走中性風格。不過不建議戴得太深,因此推薦露出前髮。

近年網絡上亦都很流行風格混搭,例如穿搭甜美的話,會加上一、兩年型格的配飾,令到整體造型更突出!

貝雷帽穿搭 毛毛材質加型格皮嬲,完美混搭
可愛毛毛材質的貝雷帽加上型格皮嬲,完美混搭(圖片來源:IG@pantherchan)

貝雷帽穿搭 男性亦可以用
男性亦可以用(圖片來源:kangal_bigcity_)

2|中長髮

另一方面,中長髮配貝雷帽,更可以營造出令人想保護嘅girlish感!而且配上日系穿搭都頗有新鮮感。

貝雷帽穿搭 中長髮配上日系穿搭都頗有新鮮感
中長髮配上日系穿搭都頗有新鮮感(圖片來源:IG@_shiuan_0)

貝雷帽 x 低馬尾:用角度改變個人氛圍

臉頰兩邊留下多啲頭髮,後方頭髮則束成一條低馬尾,然後再配上貝雷帽。

透過臉頰兩側留有嘅頭髮,從正面睇有bob頭感覺,側面睇則有潮流感,由唔同角度睇,可以令人有唔同印象。

貝雷帽穿搭 陽@WEAR
陽@WEAR

貝雷帽 x 編髮

戴上貝雷帽時,想將頭髮盤起,最簡單嘅編髮造型係「kururinpa」,即將頭髮綁成一束,將橡筋拉鬆,喺綁住嘅頭髮中間拉開一個洞,然後將髮尾翻入洞口並再次將髮束拉緊。

搭配貝雷帽時,可以就咁喺後腦反複用「kururinpa」編成成熟風,又或者只翻一次,然後收起髮尾,束成髮髻。

貝雷帽穿搭 山口 卓哉@HAIR
山口 卓哉@HAIR

貝雷帽穿搭 陳蕾示範將單一條鬢辮加型格造型一樣無問題
陳蕾示範將單一條鬢辮加型格造型一樣無問題(圖片來源:IG@pantherchan)

3|長頭髮

頭髮嘅長度同量足夠嘅話,可以選擇嘅編髮種類自然較為豐富,而貝雷帽更可以作為冇時間做styling時最好嘅搭配小幫手!

貝雷帽穿搭 staff@ZOZOTOWN
staff@ZOZOTOWN

貝雷帽 x 低馬尾:髮尾加添小技巧增加可愛感!

貝雷帽+馬尾可以增添時尚感,帽色推薦使用黑色或啡紅色。配搭重點在於喺後頸留有一、兩小撮頭髮!將其餘頭髮束好後,再戴上耳環等小飾品,可更添時尚感。

貝雷帽穿搭 浅倉 まい@WEAR
浅倉 まい@WEAR

貝雷帽 x 髮髻:種類豐富

團子髮髻簡單俐落,適合多種不同衣服造型。將髮髻束於側面,可增添時尚可愛感。當然,都可以選擇將髮髻收於帽內,然後將臉頰兩側嘅頭髮輕輕捲曲,可更添女性可愛感。

貝雷帽穿搭 miho?ニニ@WEAR
miho?ニニ@WEAR

貝雷帽 x 長髮 x 法式穿搭

近年以法式穿搭成為亞洲多個地區的穿搭熱潮,不但適合職場、事業型女性,一件衣服適合多個場合,下班後可以加一頂貝蕾帽馬上多了一種時尚休閑感。

貝雷帽穿搭 貝蕾帽加西裝外套亦是不錯的選擇
貝蕾帽加西裝外套亦是不錯的選擇(圖片來源:IG@xeesoxee)

貝雷帽穿搭 作為事業型女性的Emily,劇中多個造型亦有戴貝蕾帽
作為事業型女性的Emily,劇中多個造型亦有戴貝蕾帽(圖片來源:Emily in Paris 劇照)

撰文:CR圖片來源:HAIR、WEAR、ZOZOTOWNIG、IG@mina0728_akb48teamtp1