現時已到了享用「水果之王」榴槤的黃金時期,街市、超市、餐廳均充斥著陣陣榴槤香,最近亦有不少榴槤放題陸續推出,但「放題易出事」的坊間傳說似乎也逃不過發生在榴槤身上。有網民參加了船上榴槤放題後在網上大鬧,指「又濕、又凍、又酸」, $500起的人頭費直頭「倒落鹹水海」,奉勸已報名人士即使去都要識「揀靚位」。

榴槤放題 最近有榴槤放題在船上舉行,大批網民指「中伏」
最近有榴槤放題在船上舉行,大批網民指「中伏」(圖片來源:Facebook@香港榴槤關注組)

$586榴槤放題變試食會 榴槤又酸又凍仲要夾住條毛

榴槤的香氣非人人懂得欣賞,但很多人一試便愛上,每年5-7月都是食榴槤的黃金時間,不少榴槤迷紛紛在網上分享購得好貨秘訣,而最近有網民分享「極品中嘅極品」亦引來不少同路人,皆因以$586的人頭費報名到船上食1.5小時榴槤放題,原本以為可如宣傳所指吃到「五款馬來西亞直送榴槤任食,固定品種有 D197 貓山王,D24 XO,或 D101 紅肉、D175 紅蝦、D13 金包、D01 江海、D163 葫蘆等」,但食到卻只是成肚火。

榴槤放題 事主指船上派發的榴槤「硬到咬唔到」,發黑之餘味道變酸
事主指船上派發的榴槤「硬到咬唔到」,發黑之餘味道變酸(圖片來源:Facebook@榴槤關注組)

事源網民報名到船上食放題,剛上船便看到一碟碟已「起好肉」的榴槤放在碟上卻無遮無掩,當時已心感不妙,及後到正式開始食用時,不但嘗到「冰榴槤」,更指基本上所有榴槤都是酸的,貓山王也不例外,由於榴槤處於結霜狀態,只能用「又凍、又濕、又酸」來形容。但最嘔心的是榴槤肉竟夾雜一條毛髮在內,懷疑是私人部位的體毛,形容是極度不能接受,整餐放題只有「用榴槤殼煲嘅湯幾好飲」,除此之外就連榴槤甜品都變壞。

榴槤放題 中伏 事主發現其中一塊榴槤夾雜著一條疑似體毛
事主發現其中一塊榴槤夾雜著一條疑似體毛(圖片來源:Facebook@香港榴槤關注組)

榴槤放題 中伏 只有榴槤殼湯好飲
事主表示只有榴槤殼湯好飲(圖片來源:Facebook@香港榴槤關注組)

帖文一出,引來大批「同路人」表示自己都已中伏,相當失望!

榴槤放題|1.榴槤結霜「硬到喊」 甜品變壞要回收

事主提到自己食到的榴槤是結霜狀態,不少網民指自己有同樣經歷,更指舉辦方應一早解凍而非「放上枱」的時候要食客自行等待,皆因放題有限時,變相「唔使食」。有人指「硬到咬唔開,牙都崩咁濟」,更表示「放得入口都係濕到出水,一係酸到食唔到」,且衛生問題相當惡劣,一個個榴槤「攤晒出嚟唔知放咗幾耐,隨時集體食物中毒」、「有杯好似布甸咁嘅甜品,我試咗一啖係酸嘅,即刻放低,轉頭有職員嚟全場收返晒話唔食得」。

榴槤放題 中伏 圖中可見榴槤仍處於結霜狀態
圖中可見榴槤仍處於結霜狀態(圖片來源:Facebook@榴槤關注組)

榴槤放題 網民表示連甜品也變壞,職員需全數回收
網民表示連甜品也變壞,職員需全數回收(圖片來源:Facebook@榴槤關注組)

榴槤放題|2.人手嚴重不足 坐中間位置派榴槤被自動Skip

事主再補充指,船上幾十枱客人只有兩個職員負責派榴槤,每次派一粒,當日自己被分派到船上中間枱的位置,別以為坐中間有著數,「中間位常被忽略,行到你枱已經派晒榴槤,又要等下一轉。坐得中間等於畀錢上船睇人派榴槤」。不過亦有網民表示「坐最入同樣出晒事」,指經常要自己跑出去取榴槤,等職員派的話可以「唔使食」。

榴槤放題|3.入座安排極差 未夠鐘就趕人落船

有同樣已報名出席的網民指是次本為90分鐘放題,但是「上咗五轉至六轉榴槤,即係六嚿」、「話明係榴槤自助餐,擺明似係榴槤試食會多過任食放題」、「大大隻字話食90分鐘,實際食70分鐘,上船掃健康碼都足足搞20分鐘,唔通計埋嗰20分鐘當食咗?未夠鐘就急急腳就叫人落船,簡直搵笨」!最後事主表示,90分鐘的放題,結果在船上吃到最後連續肚瀉了兩次,走完廁所後船已埋岸,呼籲大家報名前想清楚,自己買榴槤回家吃更划算。

事主及網民表示這次榴槤放題超不值示意圖,非當事人)
事主及網民表示這次榴槤放題超不值(示意圖,非當事人)(圖片來源:TVB《愛回家之開心速遞》)

榴槤放題的實況是?

事源網民報名到船上食榴槤放題,剛上船便看到一碟碟已「起好肉」的榴槤放在碟上卻無遮無掩…詳情請看

榴槤放題的衛生情況好惡劣嗎?

正式開始食用時,不但嘗到「冰榴槤」,更指基本上所有榴槤都是酸的,貓山王也不例外,由於榴槤處於結霜狀態,只能用…詳情請看

圖片來源:Facebook@榴槤關注組、TVB《愛回家之開心速遞》