遊清邁,10個有9個貪平!不過平之餘,仲要好玩,咁就fit爆喇!喺清邁,記得「睇廟、做Spa、食大蝦」之外,玩嘅選擇其實多不勝數,行街Shopping、DIY手作、刺激探險樣樣齊,今次就為大家介紹其中幾項!

撰文、相片:狼之
鳴謝:亞洲航空
文中匯價:HKD$1兌THB$4

清邁三件事 【Eat‧ Pray‧ Laugh】
gotrip.hk/article/index.php?id=31744

平遊清邁‧點止睇廟咁簡單!
gotrip.hk/article/index.php?id=31971

【首航】亞航直飛清邁報告
gotrip.hk/article/index.php?id=31476

 

【文藝小區 Nimman】「清邁唔係得寺廟、做Spa架咩?邊啱後生仔玩架!」
咁你就錯喇,後生仔,可以玩吓其他嘢!介紹清邁大學附近的Nimman路你玩啦。
Nimman 區為清邁一個藝術文化小區,總共有17條街,整個區域有唔同類型展覽廳、設計室參觀;Cafe、餐廳讓你和朋友閒坐聊天;特式小店、Boutique當然唔少得。如果喜歡這邊的氣氛,仲可入住一些精品旅館或傳統民宿「宿一宵」!鄰近大學,Nimman路亦吸引不少青年周末來行街街!想行哂?至少花你3/4小時。不過我就鐘意喺Cafe hea吓……

香港沒有空間感的cafe,可在Librarista Cafe找到。

 唔鐘意坐可以喺草地行吓!

 又有「假泳池」俾大家同朋友吹水。

 Line公仔為主題的cafe,饅頭人、熊大組成的地圖!

 漫無目的咁走會發現很多新意思。

 Nimman路仲有唔少民宿架!

 踩單車也是個不錯遊Nimman路的方法!

【自製手信”遮”俾你】與其喺夜巿買啲好「行」嘅手信,不如花心機學整樣手工遮送俾朋友。
喺泰北清邁,有唔少手作坊。上次介紹煮嘢食,今次介紹手造紙傘,保留傳統但唔老土。
遮大家就用得多喇,一把遮的製造又知多6呢?Bo Sang的工作坊會逐一介紹整遮步驟,讓你體驗原來一把手造遮需要咁多工夫,想學整可先向機構查詢。由於時間嘅關係,我哋集中咗喺畫遮部份,展示自己的藝術天份!小朋友都可一齊畫架!!

 體驗過後:知道整一把遮要用好多時間,而且唔容易。

 喺咁靚環境畫遮唔錯吖!

 畫功,還是女孩子和小朋友有天份。

 亦碰到一家大細享受家庭樂!

 好多人會關心整一把遮需要幾耐?
師傅話:睇你天份喇,快則幾個鐘,慢則幾日!
我心諗:好彩我skip咗啲步驟姐!Bo Sang Handicraft Center
地址:111/2 Bo Sang, Chiang Mai 50131
電話:+66 53338324
開放時間:上午8時至下午5時
網址:http:// www.cspsapaper.com

【學泰山Jungle Swing】旅程最驚喜部份,就係玩Zipline!在叢林中好似泰山咁飛來飛去,都係第一次!
泰北咩最多?咪森林同樹,加埋足足有六個「木」喎!正正為呢個「泰山Jungle Swing」最好場景。整個活動就像行山、飛天、跳樓、練功炒埋一碟,你會經過滑行吊索、碎步梅花樁、踏行吊橋同40米跳樹,簡直係難關重重!是次挑戰有20個平台,而最激的有35個平台!聽到你會驚到起雞皮,不過玩完確實好爽皮!值得一提是Eagle Track Zipline重視安全。遊戲好玩之餘安全做十足,工作人員會幫助穿著安全裝束,玩前說明裝備用需注意事項,而且每經過一個平台會知扣好用家的安全扣,沒有因貪方便而莽顧安全,抵讚!

 初頭玩滑行索道時個個都好驚架!!

 工作人員化身成一隻二隻甩繩馬騮引我哋笑!

 記得無時無刻扣好安全扣!

 活動中段已經唔多驚,無聊到玩自拍!

 如果春夏時的梯田應該更靚!

 最驚險就係呢個40米飛落樹,你睇吓佢哋個樣~!@@

 驚完之後,個半小時的叢林冒險亦差唔多!

Eagle Track Zipline
地址:41/1 Maeram , Maerim,Chiang Mai, Thailand 50180
電話:+66 53-231151
費用:THB1600 – THB 2400 (看參加平台數目)
網址:http://www.eagletrackchiangmai.com/