九州櫻花2024目錄
九州櫻花2024丨花期預測、開花及滿開時間表
九州櫻花2024丨10大賞櫻勝地
九州櫻花2024丨花期預測、開花及滿開時間表
| 地點 | 開花日期 | 滿開日期 |
| 福岡 | 3月22日 | 3月31日 |
| 熊本 | 3月21日 | 3月31日 |
| 長崎 | 3月23日 | 4月2日 |
| 鹿兒島 | 3月27日 | 4月7日 |
| 佐賀 | 3月22日 | 3月31日 |
| 宮崎 | 3月24日 | 4月3日 |
| 大分 | 3月24日 | 4月4日 |
九州櫻花2024丨10大賞櫻勝地福岡/熊本/佐賀最早開花！附交通指南
九州櫻花2024丨10大賞櫻勝地 01. 西公園【福岡縣】
位於福岡縣中央區嘅西公園，於春天時分會有近1,300棵染井吉野櫻盛開，係非常出名嘅賞櫻勝地。又因為被選定為「百大賞櫻勝地」（桜の名所100選）之一，每年都因而吸引到大量賞櫻人士到訪。
西公園內嘅展望台更是隱藏賞櫻地點，可以同時欣賞到博多灣及志賀島絕景。晚間時分當街燈亮起，又可以欣賞到與日照時分時截然不同嘅夜櫻景色，係九州超人氣賞櫻勝地。
西公園
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：福岡縣福岡市中央區西公園
- 交通：乘搭福岡市地下鐵空港線，到大濠公園駅下車，徒步15分鐘
- 電話：092-741-2004
- 網址：nishikouen.jp/
九州櫻花2024丨10大賞櫻勝地 02. 大將陣公園【福岡縣】
大將陣公園位於標高112m嘅大將陣山之中，一個被大自然包圍嘅公園。一到春季時節，會有約2,500棵染井吉野櫻盛開。你可以於被櫻花樹包圍嘅「櫻並木」走道中輕鬆散步，欣賞櫻花盛開嘅美景。
一到開花期，晚間時分會有點燈活動，到時就能欣賞到燦爛嘅夜櫻，4月初更會有櫻花祭典活動舉行！園內亦設有唔少遊樂設施，係非常適合一家大細嘅賞櫻勝地。
大將陣公園
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：福岡縣飯塚市樂市1-14
- 交通：乘搭福北ゆたか線（篠栗線、筑豊本線）到天道駅下車，徒歩約15分鐘
- 網址：http://kankou-iizuka.jp/topic_32/
九州櫻花2024丨10大賞櫻勝地 03. 小城公園【佐賀縣】
位於九州佐賀縣小城市嘅小城公園，被選為「百大賞櫻勝地」（桜の名所100選）之一，每到春季櫻花盛開時期，可欣賞到約3,000棵滿開嘅染井吉野櫻。而且於5月時分，更加係杜鵑花及紫藤花嘅開花期，風景更為夢幻！
開花期間會有點燈活動，可以欣賞埋夜櫻，而且3月尾至4月頭會舉行櫻花祭典。園內設有豐富嘅遊樂設施，適合帶住小朋友一齊賞櫻嘅家庭。
小城公園
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：佐賀縣小城市小城町185
- 交通：乘搭JR到小城駅下車，徒歩約5分鐘
- 網址：https://www.ogi-kankou.com/ogi-park.html
九州櫻花2024丨10大賞櫻勝地 04. 馬場山櫻【佐賀縣】
位於九州佐賀縣武雄市嘅馬場山櫻，係一棵樹齡120年嘅櫻花樹，係鮮為人知嘅賞櫻秘境。係武雄市內嘅山櫻之中最巨大嘅櫻花樹，每逢春季，圍繞在櫻花樹四周嘅黃色小花就會盛開，可欣賞到粉紅色同黃色並存嘅絕景。
呢棵山櫻更係武雄市指定嘅天然紀念物，想欣賞特別嘅櫻花美景，不妨嚟呢度睇啦！
馬場山櫻
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：佐賀縣武雄市武內町真手野21316
- 交通：乘搭JR到武雄溫泉駅下車，再乘約20分鐘車
- 電話：0954-23-9237 武雄市觀光課
- 網址：takeo-kk.net/sightseeing/001287.php
九州櫻花2024丨10大賞櫻勝地 05. 大村公園（二重馬場）【長崎縣】
位於九州長崎縣大村市嘅大村公園，係以往作為大村藩主居城，玖島城跡內嘅公園。春天櫻花季節時，可以欣賞到國家天然紀念物嘅大村櫻、染井吉野櫻、八重櫻等約2,000棵櫻花樹，整個公園彷彿被染上一片粉紅色。
除咗可於「櫻並木」嘅步道中散步，夜晚又可欣賞夜櫻，又會舉行以大村櫻為題嘅活動，場面非常熱鬧，係長崎縣長年受觀光客歡迎嘅賞櫻勝地。
大村公園
- 開花期/最佳賞櫻時期：3月上旬～4月中旬
- 開園＆閉園時間：24小時開放
- 入場費：免費
- 地址：長崎縣大村市玖島1-45-3
- 交通：乘搭JR到大村駅下車，再轉乘巴士約10分鐘，到市役所前下車便到達
- 電話：0957-52-3605
- 網址：city.omura.nagasaki.jp/kankou/kanko/omuranohana/ohanami/omurakoen.html
九州櫻花2024丨10大賞櫻勝地 06. 伊佐浦公園【長崎縣】
位於九州長崎縣西海市嘅伊佐浦公園，係被湖畔及鮮綠樹木圍繞嘅自然公園。每到春季便會有約1,500棵染井吉野櫻及陽光櫻盛開，係可以攜帶自備食物入內邊賞櫻、邊BBQ嘅隱藏賞櫻勝地。
開花季時，可於「櫻並木」中慢慢散步，園內嘅交流中心中設有長椅，可坐著慢慢欣賞盛開嘅櫻花。
伊佐浦公園
- 開花期/最佳賞櫻時期：3月上旬～4月中旬
- 開園＆閉園時間：9:00am-5:00pm（全年開放）
- 入場費：免費
- 地址：長崎縣西海市西海町中浦南郷1133-48
- 交通：乘搭JR大村線到Huis Ten Bosch站（ハウステンボス駅）下車，再轉乘車約30分鐘
- 電話：0959-32-9087
- 網址：saikaicity.jp/isa/
九州櫻花2024丨10大賞櫻勝地 07. 健軍自衛隊通【熊本縣】
位於熊本市東區內嘅健軍自衛隊通，每逢春季，就能見到由熊本市電嘅健軍終點站向北延伸嘅櫻花樹路，約有380棵樹齡35年嘅染井吉野櫻盛開，係隱藏嘅賞櫻勝地。
開花季中，會舉行稱為「健軍櫻祭」嘅活動，馬路會封鎖轉為行人路，到時就可以慢慢喺「櫻並木」之中散步。
健軍自衛隊通
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：熊本縣熊本市東區健軍
- 交通：乘搭熊本市電健軍線到健軍町駅停留場下車，再徒歩約5分鐘
- 電話：096-368-1221
- 網址：kumanago.jp/event/?mode=detail&id=430000003074
九州櫻花2024丨10大賞櫻勝地 08. 立岡自然公園【熊本縣】
位於熊本縣宇城市嘅立岡自然公園，有著由江戶時代武將加藤清正親手挖掘嘅花園池及立岡池，每逢櫻花盛開嘅季節，便會有約2,000棵櫻花樹圍繞道路，喺觀光客之中，可說是非常出名嘅賞櫻勝地。
入夜後，園內會點燈，繼而便可欣賞到反射到湖畔上嘅櫻花絕景。
立岡自然公園
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：熊本縣宇土市立岡町
- 交通：乘搭JR到宇土駅下車，再乘約10分鐘車
- 電話：0964-22-1111
- 網址：https://kumamoto.guide/spots/detail/10233
九州櫻花2024丨10大賞櫻勝地 09. 平和市民公園【大分縣】
位於大分縣大分市嘅平和市民公園，係非常受當地人歡迎嘅綜合公園。每逢春季，公園內嘅川流兩側會有約1km長綿延伸展，約800棵盛開嘅染井吉野櫻及八重櫻絕景。
而且作為觀賞夜櫻勝地亦獲得眾多好評，可欣賞到點燈後夢幻嘅風景。開花時期會舉辦唔同活動，係人氣嘅「櫻並木」散步熱點。
平和市民公園
- 開花期/最佳賞櫻時期：3月下旬～4月上旬
- 開園＆閉園時間：24小時開放
- 入場費：免費
- 地址：大分縣大分市萩原綠町・外
- 交通：乘搭JR到牧駅下車，再徒歩約20分鐘
- 電話：097-537-5976 大分市公園綠地課
- 網址：city.oita.oita.jp/o177/shisejoho/annai/1040109925525.html
九州櫻花2024丨10大賞櫻勝地 10. 由布院・大分川沿河「櫻並木」【大分縣】
位於大分縣由布市嘅大分川沿河，當迎接櫻花開花季嘅3月下旬時，便可欣賞到以標高1,584m嘅由布岳作為背景，盛開嘅粉紅色「櫻並木」，與黃色小花交織而成嘅絕景。
只係身在其中便能夠感到安心，更可於生氣勃勃嘅「櫻並木」之間行走，慢慢賞櫻。園內設有長椅供人休息，即使同長輩一齊嚟，都唔使怕老人家唔行得耐啦！
由布院・大分川沿河「櫻並木」
- 開花期/最佳賞櫻時期：4月上旬
- 開園＆閉園時間：24小時開放
- 入場費：免費
- 地址：大分縣由布市湯布院町川上
- 交通：乘搭JR到由布院駅下車，再徒歩約5分鐘
- 電話：0977-84-2446 由布院溫泉觀光案內所