日本咩都有,連掟碟都可開檔做一門減壓生意!早幾年,東京秋葉原已有掟碟減壓專門店出現,可惜都已逐一關門大吉。唔怕死的野網兄弟,選址大阪難波站附近旅遊旺區,開設大阪首家減壓專門店Piat Thor,改良兼新增三大發洩法:「寫字掟碟」、「大槌碎碟」、「氣槍射玻璃」!

寫低老細個名 全力擊至粉身碎骨!

當中最受歡迎的是「寫字掟碟」法,客人在掟碟前,先用筆在碟上寫「ハラタツ(勁嬲!)」「バカ野郎(蠢材!)」等發洩語句或「我要做到!」等自我激勵祈願,而據店長統計,最多人寫的是「名字」,仲要係「上司的名字」!不過掟碟100円一隻,愈是掟,荷包愈是縮水,壓力又回來就得不償失,勸大家不要掟得太忘形!

01 | 最刺激!大槌碎碟

每隻105円,店長拿來50隻!我用大槌奮力一碎,巨響呯呯嘭嘭難為了耳朵,卻紓解了心情!事後更有專人執手尾,冇後顧之憂。

02 | 最爽!寫字掟碟

每隻105円/HK$9.9, 穿起傻仔保護衣走入用布簾間隔而成的掟碟房,面向一道磚牆狂掟碟,感覺難以置信的可笑!傻笑著掟過5、6隻碟後,竟然真的感覺暢快!

03 | 最有成功感 氣槍射玻璃

1,000円( 4 sets 玻璃塊連20粒BB彈), 拿起重身的氣槍以為好有氣勢,但射擊目標不過是幾個用掛鈎懸起的小玻璃塊裝置,而且射擊距離更不足3米,「嘭!嘭!」幾聲,玻璃盡碎,若不全中真係要去驗眼!

04 | 掟碟熱潮 由強國帶到秋葉原?

以為開掟碟減壓店這類「咁都得?」idea係日本人先有,記者卻在一個專門介紹中國情報的日本網站發現,有日本記者早在07年就報道過北京有掟碟減壓專門店!強國版掟碟店內,除有大量瓷碟可怒掟之外,仲有大件瓷器畀你揀,價錢不菲,人民幣100元起!可惜報道未有列明此店名字、地址,下落不明。

Piat Thor(ピアットトーラー)
地址:大阪市中央區難波千日前13-6大一ビル3樓
電話:+81-(0)6-7501-7092
網址:www.eonet.ne.jp/~piat-thor/
營業時間:2:00pm-11:15pm
交通:南海電鐵「大阪難波」站東出口步行約3分鐘

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測