女生搭飛機遇小孩喊足3小時 提出航班應謝絕小童乘搭
美國一女生早前乘搭飛機出走時，憤怒得拍片發放到網上，表示自己踏上了地獄之旅。事源這名24歲女生的座位後方坐了一名小孩，在飛行期間嘈吵不斷，即使自己戴了降噪耳機仍無補於事。「全程3小時飛機都一直聽住佢喺到喊，完全無停過，又係咁踢我張櫈，個啊媽自己瞓覺完全無理小朋友」，其後更表示小朋友明顯已超過5歲，並非沒有自理能力的小孩，最可惡的時坐在身旁的家長竟可「瞓得著覺」。
從影片中可見，被哭聲折磨的她大為不滿，更指「點解搭飛機唔可以謝絕小童」，揚言「如果有只限成人乘搭嘅航班，多多錢我都願意花」。同時，影片內亦明顯地有小孩聲嘶力竭的哭鬧聲。
影片超過70萬觀看次數 網民表示超認同
影片上載後旋即有70萬觀看次數，有網民更表示大有同感，指「如果大聲講嘢嘈嘈閉係大媽，起碼都可以話到佢收聲，但小朋友真係搞唔掂」、「我都好驚有小朋友坐附近，真係好頭痛。」、「我都想有呢個航班，成人專機真係好必要」。
家長鬧爆：一啲包容力都無
不過這條影片同時引來大量家長不滿，紛紛留言指「小朋友咁細個好心包容下！」、「你自己都做過小朋友，你細個係咪唔識喊？拍片公審好應該？」、「而家啲人動不動就話要謝絕小朋友，一啲包容力都無，同情心都消失晒」、「點解你唔搭私人飛機，話小朋友嘅人好噁心」、「其實就係你哋呢啲人令到家長每次帶小朋友出街都好緊張好崩緊」、「冇人性！你第時唔好生小朋友，生完唔好帶出街，咁鍾意鬧」。
航空公司曾推出「靜音區」禁止12歲以下小朋友乘坐
而事實上，印度有航空公司早在2016年曾推出「機艙靜音區」，客機上第1至4排及11至14排都禁止12歲以下小朋友乘坐，確保旅客可耳根清靜。英國《都市報》亦曾在網上進行民調，結果顯示84%讀者表示讚同，指「希望他們把全班機都弄至沒有兒童」，只有16%的人反對，認為是歧視兒童行為。
